गृह मन्त्रालयले शनिबार पत्रकार सम्मेलन गर्दै मन्त्रालयका सहसचिव ऋषिराम तिवारीले काठमाडौं उपत्यकासहित देशभर ६० जना घाइते र ६९ जना बेपत्ता भएको बताए। तिवारीकाअनुसार काठमाडौंमा ११ जनाको मृत्यु भएको छ। भने, १० जना घाइते भएका छन्।
बिएल संवाददाता - काठमाडाैँ
शनिबार कार्यवाहक प्रधानमन्त्री प्रकाशमान सिंहले बोलाएको आकस्मिक मन्त्रिपरिषदको बैठकले घाइतेको नि:शुल्क उपचार गर्ने निर्णय गरेको सरकारका प्रवक्ता पृथ्वीसुब्बा गुरुङले बताए।
बिएल संवाददाता - काठमाडाैँ
'अविरल वर्षाले धेरै परिवार घरबारविहीन भई खाने, बस्ने समस्यामा छ। बिहान के खाने, राति कहाँ सुत्ने पीडाले पीडित परिवारलाई तत्काल सहयोगको आवश्यकता छ। बाढीपहिरोले पीडित परिवारलाई उद्धार गर्न आवश्यक छ', आजपा अध्यक्ष साहले भने, 'अविरल वर्षाले प्रभावित भएका परिवारलाई सहयोग गर्न तथा उद्धार कार्यमा लाग्न आम जनता पार्टीका साथीहरुलाई म विशेष अनुरोध गर्दछु।'
बिएल संवाददाता - काठमाडौं
कार्यालयमा बाढी पसेपछि आज बिहान ७ बजेपछि प्रशारण सेवा बन्द गरिएकाे एपीवानले जनाएकाे छ। कार्यालयका गाडी, कम्युटरलगायतका सामाग्रीहरू डुबानमा परेकापछि प्रशारण बन्द भएको हो।
बिएल संवाददाता - काठमाडौं
बिहीबारदेेखि भइरहेको निरन्तरको बर्षाका कारण आएको बाढी, पहिरो लगायतका प्राकृतिक विपद्को जोखिममा परेका साढे सात सय नागरिकको उद्दार गरिएको गृहमन्त्री रमेश लेखकले जानकारी दिएका छन्।
बिएल संवाददाता - काठमाडौँ
सूर्यविनायक नगरपालिका-९ स्थित पलासेमा टहरो बनाई बसेको ३ जनाकाे शुक्रबार बिहान माथिबाट खसेकाे पहिरोमा पुरिएर घटनास्थलमै मृत्यु भएकाे हाे। मृत्यु हुनेमा कालिकोट स्थायी घर भक्तपुर बस्दै आएका २४ वर्षीया दमिला शाही, १४ वर्षीया मनिषा शाही र ४ वर्षीया प्रिया बम रहेका छन्। प्रहरीका अनुसार दमिला गर्भवती रहेकी थिइन्।
बिएल संवाददाता - काठमाडौं
बिहीबारदेखि भइरहेको अविरल वर्षापछि आएको बाढी पहिरोमा परी १४ जनाको मृत्यु भएको छ भने ११ जना बेपत्ता भएका छन्। शुक्रबारदेखि शनिबार १२ बजेसम्म देशका विभिन्न जिल्लामा १४ जनाको मृत्युसँगै ११ जना बेपत्ता भएका हुन्।
बिएल संवाददाता - काठमाडौँ
पहिरोका कारण आवागमन प्रभावित भएको छ भने सडक सुचारु गराउन सुरक्षाकर्मी र स्वयंमसेवकहरु परिचालन भएको लुम्बिनी प्रदेश आन्तरिक मामिला तथा कानुन मन्त्रालयले जानकारी दिएको छ।
बिएल संवाददाता - दाङ
शनिबार बिहान माथिबाट आएकाे पहिराेले गर्वे तामाङकाे घर पुरिएकाे प्रहरी वृत थानकाेटका प्रमुख प्रहरी नायव उपरीक्षक सूर्यप्रकाश सुवेदीले जानकारी दिए। प्रमुख सुवेदीका अनुसार मृत्यु हुनेमा तामाङसहित उनकी श्रीमती ३६ वर्षीया सविना तामाङ रहेका छन्।
बिएल संवाददाता - काठमाडौं
सुनकोशी गाउँपालिका–१ स्थित आदिलिङ्ग कुशेश्वर महादेव मन्दिर परिसरमा रहेको गुरूकुलमा २८ विद्यार्थी र ५ जना गुरूसहित ३३ जना नदीबिचमा फसेका छन्। उनीहरू हिजो शुक्रबारदेखि थुनिएको र अहिले हेलिकप्टरबाट उद्धार गर्ने तयारी भइरहेको वडा नम्बर १ का वडा सचिव रमेश थापाले जानकारी दिए।
बिएल संवाददाता - काठमाडौँ
बाढीपहिराेमा परेर पाँचथरमा २, धनकुटामा २, झापामा १, काठमाडाैँमा १, ललितपुरमा १, काभ्रेमा ३ र धादिङमा १ जनाकाे गरी ११ जनाकाे मृत्यु भएकाे हाे।
बिएल संवाददाता - काठमाडौं
सिन्धुलीमा रहेको एक गुरुकुलका ३३ जना विद्यार्थी–शिक्षक सुनकोशी नदीबीचमा फसेका छन्। सुनकोशी गाउँपालिका–१ स्थित आदिलिङ्ग कुशेश्वर महादेव मन्दिर परिसरमा रहेको गुरूकुलका २८ विद्यार्थी र गुरूसहित ३३ जना नदीबिचमा फसेका हुन्।
बिएल संवाददाता - काठमाडौँ
बिहीबार साँझदेखिको अविरल वर्षापछि आएको बाढीले देशभरका २१ नदीमा खतराको तह पार गरेको छ। शनिबार बिहान साढे १० बजेको विवरणअनुसार २१ नदीमा जल सतहले खतराको तह पार गरेपछि साइरन बजाइएको छ।
बिएल संवाददाता - काठमाडौँ
बिहीबार साँझदेखिको अविरल वर्षाका कारण पहिरो खस्दा देशभरका मुख्य तथा सहायक राजमार्गहरू अवरुद्ध भएका छन्। लगातारको वर्षाले राजधानीसँग काठमाडौँसँग जोड्ने काठमाडौं– नागढुङ्गा–चितवन सडक खण्ड अवरुद्ध रहेको छ।
बिएल संवाददाता - काठमाडौँ
अविरल वर्षासँगै देशभर विपद्का घटना बढेपछि गृहमन्त्री रमेश लेखकले केन्द्रीय सुरक्षा समितिको बैठक बोलाएका छन्।
बिएल संवाददाता - काठमाडौँ
.jpg)
ललितपुरको स्थित नख्खु खोलाले बगाउँदा ४ जना बेपत्ता भएका छन्। शुक्रबार बिहान सवा ९ बजे ललितपुर महानगरपालिका– १४ नखिपोट कान्तिपुर कोलोनिमा ४ जनालाई खोलाले बगाएको हो।
बिएल संवाददाता - ललितपुर
निरन्तरको मनसुनी वर्षाका कारण सप्तकोशी नदीको जलसतह बढेको छ। जलसतहमा भएको वृद्धिलाई दृष्टिगत गरी अहिले कोशी ब्यारेजका सबै ५६ वटा ढोका खोलिएको छ।
बिएल संवाददाता - सुनसरी
निरन्तरको मनसुनी वर्षाका कारण सप्तकोशी नदीको जलसतह बढेको छ। जलसतहमा भएको वृद्धिलाई दृष्टिगत गरी अहिले कोशी ब्यारेजका सबै ५६ वटा ढोका खोलिएको छ।
बिएल संवाददाता - सुनसरी
वर्षा नरोकिएको र वैकल्पिक विमानस्थल नहुँदा आन्तरिकतर्फ उडान हुन नसकेको त्रिभुवन विमानस्थल नागरिक उड्डयन कार्यालयले जानकारी दिएको छ।
बिएल संवाददाता - काठमाडाैँ
पनौती नगरपालिका ११, थुम्कीमा शनिबार बिहानपख पहिरो जाँदा स्थानीय अर्जुन भण्डारीको परिवार नै हराएका हुन्।
बिएल संवाददाता - काठमाडाैँ
