विपदमा सबै चनाखो बनौं: गृहमन्त्री
गृहमन्त्री रमेश लेखकले बाढी, पहिरो र डुबान जस्ता समस्या न्यूनीकरण गर्न बजेट भन्दा नीतिगत निर्णय गर्दा पुग्ने बताएका छन्। आइतबार गृहमन्त्रीसँग विपद् संम्बाद शुभारम्भ कार्यक्रममा बोल्दै उनले कतिपय विपदमा आफू चनाखो हुदाँ मात्र पनि कम हुने बताएका हुन्। ‘अविरल वर्षा हुदाँ तराईमा डुबान, पहाडमा पहिरोको समस्या छ। हिमालमा लेक लाग्ने, चिसो लाग्ने समस्या छ। तराई मधेशमा लु लाग्ने समस्या छ। झापा र मोरङ सबैभन्दा बढि चट्याङको समस्या छ। यहाँ प्राधिकरणका साथिहरू छन्। मेरो आग्रह यहाँ धेरै ठुलो बजेटको आवश्यकता छैन कतिपय नीतिगत निर्णय गर्दा पुग्छ। कतिपय कुरामा हामी चनाखो मात्र भए पुग्छ, कतिपयमा निरन्तर फलो गर्दा मात्र पुग्छ,’ उनले भने।
बिएल संवाददाता - काठमाडौं
