नेकपा एमालेले शिक्षामन्त्रीमा नेता रघुजी पन्तलाई अघि सारेको छ। एमालेले बुधबार पन्तलाई शिक्षामन्त्री बनाउने निर्णय गरेको बालुवाटार स्रोतले बतायो। पन्तको नाम शितल निवास पुगिसकेको स्रोतले जानकारी दियो। पन्तलाई भोलि सपथ ग्रहणको तयारी गरिएको छ। सोमबार शिक्षामन्त्री विद्या भट्टराईले शिक्षा विधेयकमा प्रधानमन्त्रीले सहयोग नगरेको भन्दै राजीनामा दिएकी थिइन्।
बिएल संवाददाता - काठमाडौं
प्रधानमन्त्री केपी शर्मा ओलीले भारतीय समकक्षी नरेन्द्र मोदीसँग टेलिफोन सम्पर्क गर्दै पहलगाममा भएको आतंकवादी हमलाप्रति दुःख व्यक्त गरेका छन्। प्रधानमन्त्री ओलीले सामाजिक एक्समार्फत प्रधानमन्त्री मोदीसँग कुराकानी भएको बताएका छन्। उनले यस्ता जघन्य अपराधका विरुद्धको लडाइमा भारतलाई नेपालको साथ रहेको बताएका छन्। त्यस्तै ओलीले उक्त आतंकवादी हमलामा ज्यान गुमाएका नेपाली नागरिकको ज्यान गएको घटनापछि भारतले व्यक्त गरेको समवेदनाप्रति धन्यवाद दिएका छन्।
बिएल संवाददाता - काठमाडौं
सभामुखले बजेट अधिवेशनबारे प्रमुख सचेतकहरूसँग छलफल गरेको एमालेका प्रमुख सचेतक महेश बर्तौलाले जानकारी दिए। विगतमा उल्टो अभ्यास भएको भन्दै उनले यो वर्ष नीति तथा कार्यक्रम पारित गर्ने र त्यसको आधारमा मात्र बजेटका प्राथमिकताहरू संसदमा ल्याउने गरी कार्यसूची बनाएको पनि जानकारी दिए। उनले भने, ‘हामी छैठौं अधिवेशनको तयारी गर्दैछौं। वैशाख १२ गते बस्ने बैठक सबै दलका नेताहरूको शुभकामनाबाट सुरु गर्नेछौं। सकारले १९ गते नीति तथा कार्यक्रम ल्याउने तयारी गरेको छ। पहिले उल्टो अभ्यास भएको जस्तो भयो त्यसैले नीति तथा कार्यक्रम पारित गर्ने र त्यसको आधारमा मात्र बजेटका प्राथमिकताहरू संसदमा ल्याउने कुरा व्यवहारिक हुने कुराले १९ गते नीति तथा कार्यक्रम संसदमा प्रस्तुत गर्नेगरी कार्यसूचीमा राखेको छौं।’
बिएल संवाददाता - काठमाडौं
नेपाली कांग्रेसका कार्यवाहक सभापति पूर्णबहादुर खड्काले कांग्रेस-एमालेबीचमा भएका सहमतिमा दायाँबायाँ नहुने बताएका छन्। पार्टीनिकट यातायात व्यवसायीको महाधिवेशनलाई सम्बोधन गर्दै उनले सरकारका केही कमीकमजोरी भएपनि त्यसलाई सच्याउँनुपर्ने तर दुई दलबीचको सहमतिमा दायाँबायाँ नहुने बताए। उनले सभापति देउवाले पनि सरकारको कार्यशैली सुधार गर्नुपर्ने बताएको उल्लेख गर्दै नागरिकका भावना र असन्तुष्टिलाई सम्बोधन गर्नुपर्ने बताए।
बिएल संवाददाता - काठमाडौं
प्रधानमन्त्री केपी शर्मा ओली र ब्राजिलका चर्चित फुटबल खेलाडी रोबर्टाे कार्लाेसबीच भेटघाट भएको छ। बुधबार प्रधानमन्त्री तथा मन्त्रिपरिषद्को कार्यालय सिंहदरबारमा उनीहरूबीच भेट भएको हो। विश्वविजेता कार्लाेस नेपाल सुपर लिग (एनएसएल)को तेस्रो सिजनको खेल हेर्न काठमाडौँ आएका हुन्। प्रधानमन्त्री ओलीले खेलाडी कार्लाेसलाई स्वागत गर्दै उनको नेपाल आगमनले यहाँका खेलाडी र युवाहरूलाई उत्साह मिल्ने बताए। प्रधानमन्त्री ओलीले नेपाल र ब्राजिलबीच राम्रो कूटनीतिक सम्बन्ध रहेको उल्लेख गर्दै दुवै देशको खेल क्षेत्रले एकाअर्कामा सिकाइ आदानप्रदान गर्नुपर्नेमा जोड दिए।
बिएल संवाददाता - काठमाडौं
केहीदिनअघि एक अनलाइन पत्रिकाले प्रधानन्यायाधीश प्रकाशमानसिंह राउतले पूर्वराजा ज्ञानेन्द्र शाहसँग भेटघाट गरेको भनी प्रकाशित गरेको समाचारविरुद्ध सर्वोच्चमा अदालतको अवहेलना मुद्दा दर्ता भएको छ। सर्वोच्च अदालतका नायव सुब्बा कमला रेग्मी र कम्प्युटर असिस्टेन्ट रमेश बजगाईंले मंगलबार ‘नेपाली पेन’ अनलाइन पत्रिकालाई विपक्षी बनाउँदै अवहेलना मुद्दा दायर गरेका हुन्। उक्त मुद्दाको बुधबार न्यायाधीशद्वय अब्दुल अजिज मुसलमान र टेकप्रसाद ढुङ्गानाको इजलासमा सुनुवाई भइसकेको छ। फैसला आउन बाँकी छ।
बिएल संवाददाता - काठमाडौं
नयाँ शैक्षिक सत्र सुरु भएसँगै विद्यार्थी भर्ना अभियानसँगै सामुदायिक विद्यालयमा देखिने विद्यार्थी र अभिभावकको बाक्लो भीड यो वर्ष कर्णालीका सामुदायिक विद्यालयमा देखिएको छैन। कर्णालीमा नाम चलेका सामुदायिक विद्यालयहरू यतिबेला सुनसान छन्। शिक्षक आन्दोलनका कारण विद्यार्थी भर्नालगायतका शैक्षिक गतिविधि ठप्प हुँदा विद्यालयमा कुनै चहलपहल देखिँदैन। जसको कारण विद्यार्थीको पठनपाठनमा असर पुग्ने देखिएको छ। विद्यालय शिक्षा ऐन जारी गर्न माग गर्दै २२ दिनदेखि शिक्षकहरू काठामाडौं केन्द्रीत आन्दोलनमा गएपछि विद्यालयका शैक्षिक गतिविधि ठप्प भएका हुन्। नेपाल शिक्षक महासंघको नेतृत्वमा भइरहेको शिक्षक-कर्मचारीको आन्दोलनप्रति ऐक्यबद्धता जनाउँदै विद्यालयले भर्ना अभियान रोकेको छ।
बिएल संवाददाता - सुर्खेत
भारतीय सञ्चारमाध्यमहरूका अनुसार यो आक्रमणको जिम्मेवारी ‘द रेसिस्टेन्स फ्रन्ट‘ अर्थात् टिआरएफले लिएको छ। यो भनेको लस्कर-ए-तायबाका एकजना संस्थापक हाफिज साइदले नेतृत्व गरेको आतंकवादी संगठन हो।
बिएल संवाददाता - काठमाडाैं
संयुक्त अरब इमिरेट्स (युएई)का उपप्रधानमन्त्री तथा विदेशमन्त्री महामहिम शेख अब्दुल्लाह बिन जायेद अल नाह्यान नेपालको दुईदिने औपचारिक भ्रमणमा मङ्गलबार साँझदेखि काठमाडौँमा रहेका छन्।
बिएल संवाददाता - काठमाडौँ
प्रधानमन्त्री केपी शर्मा ओलीले कक्षा १२ को परीक्षा सार्न राष्ट्रिय परिक्षा बोर्डलाई निर्देशन दिएका छन्। ओलीलाई भेट्न बालुवाटार पुगेका बोर्डका अध्यक्ष महाश्रम शर्मा र शिक्षा सचिव दीपक काफ्लेलाई प्रधानमन्त्री ओलीले परीक्षा सार्न निर्देशन दिएका हुन्। यसअघि वैशाख ११ गते परीक्षा गर्ने बोर्डको कार्यतालिका थियो। आन्दोलनरत शिक्षकहरूले असहयोग गर्ने भएपनि बोर्डले निजामती कर्मचारीहरू परिचालन गरेर परीक्षा पूर्वनिर्धारित तालिकामै गराउने तयारी गरेको थियो।
बिएल संवाददाता - काठमाडौं
अख्तियार दुरुपयोग अनुसन्धान आयोगले उपाध्यायसहित तीन जनाविरुद्ध विशेष अदालतमा मुद्दा दायर गरेको छ। मधेश प्रदेश सरकारको गृह, सञ्चार तथा कानून मन्त्रालयअन्तर्गत नियुक्त उपाध्यायले मुख्यमन्त्री सतिशकुमार सिंहको उपस्थितिमा मन्त्री राजकुमार लेखीबाट शपथ लिएपछि हिजो सोमबार पदभार ग्रहण गरेका थिए। तर, त्यसको भोलिपल्टै उनीमाथि आर्थिक अनियमितताको आरोपसहित मुद्दा दर्ता गरिएको छ। अख्तियारका अनुसार उपाध्यायले केएस मल्टिपरपोज कम्पनीका अध्यक्षका रूपमा बाराको पचरौता नगरपालिकाबाट २०७७/०७८ मा सञ्चालित ठेक्का कार्यको बोलपत्र सूचना राष्ट्रियस्तरको पत्रिकामा प्रकाशन नगरी मात्र एक प्रति प्रभाव दैनिकमा छापेर ३ लाख ५२ हजार ५६० रुपैयाँ भुक्तानी लिएको आरोप छ।
बिएल संवाददाता - काठमाडौं
गैरआवासीय नेपाली संघ (एनआरएनए)का अभियान्ता राजेन्द्रकुमार शर्मा (आरके)ले संस्थालाई एकताबद्ध बनाउने कार्यमा आफू नेतृत्व लिन तयार रहेको बताएका छन्। गैरआवासीय नेपाली संघको मे ३ देखि ५ सम्म काठमाडौंमा तय भएको एकता महाधिवेशन नजिकिँदै गर्दा शर्माले एकताबद्ध एनआरएनएमा जोड दिए। पूर्वअधयक्ष शेष घलेले एकता महाधिवेशन गराउन लागिपर्दा सचिवालयबाट कामकारबाही गर्दै आएको बद्री केसी समूह अक्टोबरमा महाधिवेशन गर्ने अडानमा रहेकै बेला शर्माले सबैले आफ्नो अडान छाडेर सहमतिका लागि इमानदार ढंगले प्रस्तुत हुनुपर्ने धारण राखेका हुन्। एकताबद्ध एनआरएनएकै लागि आफू मेमा महाधिवेशन हुनुपर्छ भन्नेमा सहमत रहेको उल्लेख गर्दै शर्माले मन माझामाझ गरेर अब सबै मिल्ने बटोमा अघि बढ्न ढिला गर्न नहुने बताए।
बिएल संवाददाता - काठमाडौं
प्रमुख सत्ता साझेदार नेपाली कांग्रेसका नेता डा. शेखर कोइरालाले शिक्षामन्त्री विद्या भट्टराईको राजीनामा र शिक्षकहरूको आन्दोलनबारे चासो व्यक्त गरेका छन्। स्वास्थ्यका कारण केही दिनदेखि घरमै आराम गरिरहेका कोइरालाले मंगलबार बिहान शिक्षक महासंघका प्रतिनिधिहरूसँग पनि कुराकानी गरेका थिए। शिक्षक महासंघका अध्यक्ष लक्ष्मीकिशोर सुवेदीले डा. कोइरालासँग कुरा गर्दै शिक्षामन्त्रीको राजीनामा आफूहरूको माग नभएको र शिक्षा ऐन जारी नहुँदासम्म आफूहरू नफर्किने बताएका थिए। त्यसक्रममा घिमिरेले शिक्षामन्त्री शिक्षकहरूका मागप्रति सकारात्मक भएको भन्दै प्रधानमन्त्री ओलीकै बद्नियतका कारण शिक्षामन्त्रीको राजीनामा आएको हुनसक्ने कोइरालासँग भनेका थिए। त्यस्तै घिमिरेले तत्काल ऐन जारी गर्ने वातावरण मिलाउनका लागि कोइरालाको साथ पनि मागेका थिए।
बिएल संवाददाता - काठमाडौं
कसैलाई ट्र्यापमा पार्न अनि आफूलाई शक्तिशालि बनाइराख्नका लागि प्रधानमन्त्री केपी शर्मा ओलीले एक अर्को निकायमा आफैंलाई राखेका छन्। सोमबार मन्त्रिपरिषदको बैठकबाट उनले ‘सुशासन आयोग’को गठन गरे। त्यसको अध्यक्ष उनी आफै रहनेछन्। यसको सञ्चालन कार्यविधिहरू अहिले नै सार्वजनिक गरिएको छैन। तर भ्रष्टाचार ‘गर्दिनँ र गर्न पनि दिन्नँ’ भन्ने प्रधानमन्त्री केपी शर्मा ओलीले अख्तियार भन्दामाथिको विशेषाधिकार प्राप्त आयोग पनि आफ्नै मातहतमा राखेका छन्।
बिएल संवाददाता - काठमाडौं
आफैं बनाएको मन्त्रीलाई सहयोग गरेन भन्ने हल्ला मात्र रहेको बताउँदै उनले भने, उहाँ मैले बनाएको मन्त्री हो। मैले काम लगाइरहेको छु। सहयोग गरिरहेको छु। सिकाइराखेको छु। ठूलो मन्त्रालय छ, अहिले स्वास्थ्य ठिक भएन भनेर राजीनामा दिनुभएको हो। यसमा अन्य प्रचारबाजी गर्नुको कुनै अर्थ छैन।’
बिएल संवाददाता - काठमाडाैं
नेकपा (माओवादी केन्द्र)का अध्यक्ष पुष्पकमल दाहाल (प्रचण्ड)ले अहिलेको सरकारले अब एक दिन पनि नेतृत्वमा बस्ने औचित्य गुमाएको बताएका छन्। नेपाल कम्युनिष्ट पार्टीको ७७औं स्थापना दिवस तथा १५६औं लेनिन जयन्तीको अवसरमा बोल्दै उनले केपी ओली नेतृत्वको सरकारको जन्म नै भष्टाचारीको रक्षा गर्न भएको बताए। उनले भने, ‘अहिलेको सरकार खासगरी केपी ओली नेतृत्वको सरकारको जन्म नै अप्राकृतिक छ। अलोकतान्त्रिक छ, अपारदर्शी छ, असंवैधानिक छ। यसले गर्ने भनेको भष्ट्राचारीको रक्षा हो। यो सकार अब एक दिनमा पनि नेतृत्वमा बस्ने औचित्य गुमाइसकेको छ, हजारौं र लाखौं शिक्षक सडकमा छन। ती शिक्षकको समस्या समाधान गर्न गम्भीर हुनुको सट्टा सरकार र त्यसको नेतृत्व गर्ने प्रधानमन्त्री शिक्षकलाई अपमानित गर्ने, गाली गर्ने, तिनलाई हप्काउने बाहेक उहाँले केही पनि गर्नु भएन। यो भन्दा लाजमर्दो कुरा के हुन्छ।’
बिएल संवाददाता - काठमाडौं
राष्ट्रिय स्वतन्त्र पार्टीका सभापति रवि लामिछानेको बन्दी प्रत्यक्षीकरणको रिटमा सर्वोच्च अदालतले कारण देखाउ आदेश जारी गरेको छ। मंगलरबार न्यायाधीश अब्दुल अजिज मुसलमानको इजलासले प्रारम्भिक सुनुवाइपछि विपक्षीको नाममा कारण देखाऊ आदेश जारी गरेको हो। त्यस्तै इजलासले लामिछानेको रिट निवेदनलाई संयुक्त इजलासमा पठाउने आदेश गरेको छ। अब लामिछानेको मुद्दा संयुक्त इजलासले हेर्नेछ। संयुक्त मुद्दाको सुनुवाइका लागि अब अर्को पेशी तोकिने छ।
बिएल संवाददाता - काठमाडौं
एक समय केपी ओलीको सबैभन्दा धेरै आलोचना गर्ने संसारकै गफाडी बताउने नेता विष्णु रिजाल आजकल ओलीको चच्चागिरी गरेर नथाक्ने अवस्थामा पुगेका छन्। रिमालले हिजोमात्र राजीनामा दिएकी शिक्षामन्त्री विद्या भट्टराईलाई देवत्वकरण गरिएको भन्दै असन्तुष्टि पोखेका छन्। मन्त्रीले राजीनामा दिएको निहुँमा पद छाडेकी मन्त्रीलाई देवत्वकरण गर्ने र प्रधानमन्त्रीमाथि आक्रमण गरिएको भन्दै उनले सामाजिक सञ्जालमार्फत आक्रोश पोखेका छन्। नैतिकता देखाउँदै राजीनामा दिएकी मन्त्रीलाई दानवीकरण गर्दै पद छोड्न बाध्य बनाउने प्रधानमन्त्रीलाई चैं देवत्वकरण गर्ने हेतुले रिजालले मंगलबार सामाजिक सञ्चालमार्फत ओलीको चम्चागिरी दोहोर्याएका हुन्।
बिएल संवाददाता - काठमाडौं
विद्युत् मन्त्री खट्टरले भारत सरकारको सहयोगमा निर्माण सम्पन्न भएको कोशी करिडोर २२० केभी प्रसारण लाइन अन्तर्गत इनरुवा–बसन्तपुर–बानेश्वर–तुम्लिङटार २०० केभी प्रसारण लाइन तथा २२०–१३३–३३ केभी तुम्लिङटार सबस्टेसन, २२०–३३ केभी बानेश्वर सबस्टेसन र २२०–१३३–३३ केभी वसन्तपुर सबस्टेसन संयुक्त रूपमा संखुवासभा तुम्लिङटार सबस्टेसनमा उद्घाटन गर्ने कार्यक्रम रहेको छ।
बिएल संवाददाता - काठमाडाैं
प्रधानमन्त्री आफैले पनि शिक्षक आन्दोलनको खिसिट्युरी गर्दै सार्वजनिक भाषणमै उनीहरूको ‘मजाक’ उडाइरहेका छन्।
बिएल संवाददाता - काठमाडाैं
१ .
२ .
३ .
४ .
५ .
