नेकपा (एमाले)का महासचिव शंकर पोखरेलले सरकारको अधिनायकवादविरुद्ध संगठित भएर आन्दोलनमा उत्रिन युवापंक्तिलाई आह्वान गरेका छन्।

३३औं मदन–आश्रित स्मृति दिवसका अवसरमा आइतबार आयोजित विमर्श कार्यक्रममा बोल्दै सरकारले न्यायपालिका, व्यवस्थापिका र कार्यपालिकाबीचको सन्तुलन खल्बल्याउने प्रयास गरिरहेको उनले आरोप लगाए।

पोखरेलले सत्तारुढ दल र सरकारबाटै प्रधानमन्त्री संसद्‌प्रति उत्तरदायी हुन नपर्ने खालको परिपाटी विकास गर्न खोजिएको आरोप लगाउँदै सर्वोच्च अदालतको नेतृत्व गोजीबाट निकाल्ने प्रयत्न गरेको आरोप लगाए।

‘प्रधानमन्त्री संसद्‌प्रति उत्तरदायी हुनै नपर्ने खालको परिपार्टी विकास गर्न खोजिएको छ। अदालतको नेतृत्व गोजीबाट निकाल्ने प्रयत्न भएको छ। यो परिस्थितिमा युवाहरूले फेरि पपुलिज्मको आवरणमा हुर्कन खोजिरहेको अधिनायकवादको विरुद्धमा संगठित हुनुपर्ने, आन्दोलित हुनुपर्ने आवश्यकता छ,’ उनले भने।