नेपाली कांग्रेसका सभापति शेरबहादुर देउवाले सत्तारुढ गठबन्धनमा कुनै समस्या नभएको बताएका छन्। शुक्रबार थाइल्याण्डबाट स्वदेश फर्किने क्रममा त्रिभुवन अन्तर्राष्ट्रिय विमानस्थलमा सञ्चारकर्मीहरूसँग कुराकानी गर्नेक्रममा उनले सत्ता समीकरण फेरबदल हुने हल्ला मात्रै भएको बताएका हुन्।
बिएल संवाददाता - काठमाडाैं
‘सरकारले हुँदा ती वाचा पूरा गर्न इमान्दार प्रयास गरियो। जे सकियो, गर्यौं। त्यसको मूल्याङ्कन तपाईंहरूले नै गर्नुहुन्। अहिलेसम्म उठाइएका प्रश्नहरू म प्रमुख प्रतिपक्षी दलको नेताका रूपमा संसद्मा समेत उठाउँदै आएको छु’ प्रचण्डले भने।
बिएल संवाददाता - काठमाडाैं
उनले सरकार र राजनीतिक दलहरूले आजदेखि सुरु हुने संसदको यही अधिवेशनबाटै शिक्षा ऐन जारी गर्ने भनेर प्रतिवद्धता जनाइसके पनि शिक्षकहरूले हठ नत्यागेको आरोप पनि लगाएका छन्।
बिएल संवाददाता - काठमाडाैं
सङ्घीय संसद्का दुवै सदनको अधिवेशन आज अपराह्न १ः०० बजेदेखि आरम्भ हुँदैछ। मन्त्रिपरिषद्को सिफारिसमा राष्ट्रपति रामचन्द्र पौडेलबाट संसद्का दुवै सदनको अधिवेशन आह्वान भएको हो।
बिएल संवाददाता - काठमाडौँ
सर्वोच्च अदालतले काठमाडौं गत चैत्र २० गतेदेखि काठमाडौं केन्द्रित आन्दोलन गरिरहेका शिक्षकहरुका जायज माग पूरा गरी विद्यालय फर्काउने वातावरण सुनिश्चित गर्न आदेश दिएको छ। बिहीबार न्यायाधीश नहकुल सुवेदीको एक इजलासले शिक्षकहरूका जायज र संविधानसम्मत माग तत्काल सम्बोधन गर्न सरकारका नाममा उचित र आवश्यक निर्णय गरी ३ दिनभित्र शिक्षकहरू विद्यालय फर्की पठनपाठन गराउने वातावरण सुनिश्चित गर्न आदेश दिएको हो। सर्वोच्चले कक्षा १२ को परिक्षा पनि समयमै गर्न र एसईईको नतिजा प्रकाशनमा ढिलाइ हुने अवस्था आउन नदिन आदेश दिएको छ।
बिएल संवाददाता - काठमाडौं
एमाले अध्यक्ष प्रधानमन्त्री केपी शर्मा ओलीले एमालेले सरकारको बारेमा धेरै चिन्ता नगर्ने बताएका छन्। उनले एमालेलेले चुनावको बारेमा चिन्ता गर्नुपर्ने बताए। लोकतन्त्र दिवसको अवसरमा बिहीबार भृकुटीमण्डपमा पार्टीद्वारा आयोजित युथ सेलिब्रेसन कार्यक्रममा उनले स्थायित्वका लागि कांग्रेससँग मिलेर अघि बढेकोले सरकारको आयुबारेका हल्लाको पछि नलाग्न आग्रह गरे। उनले भने, ‘यो संयुक्त सरकार संकल्पसहित बनेको हो। यो स्थिरता र स्थायित्वका लागि बनेको हो। सरकारको बारेमा धेरै चिन्ता गर्ने होइन, चुनावको बारेमा चिन्ता गर्नुपर्छ। त्यसैले एमालेले सरकार बनाउँ, सरकार बचाउँ भनेर कराएको छैन। एमालेले जहिले पनि चुनाव हेरेको हुन्छ, हामीले ७० को चुनाव भन्यौं, ०७४ को चुनाव भन्यौं, ७९ को चुनाव भन्यौं अब ०८४ को चुनाव भनिरहेका छौं। त्यसैले ढुक्कले मिसन ०८४ मा लाग्नुस्।’
बिएल संवाददाता - काठमाडौं
नेपाली कांग्रेसका महामन्त्री गगन थापाले आधारभूत कुरामा सम्झौता गर्नुपर्ने अवस्था आएमा सरकारबाट बाहिरिने बताएका छन्। बिहीबार काठमाडौंमा आयोजित कार्यक्रममा उनले नेपाली कांग्रेस बाध्य भएर गठबन्धनमा रहेको भन्दै आधारभूत कुरामा पनि सम्झौता गरेर बस्नुपर्यो भने सरकारबाट बाहिरिने चेतावनी दिए। उनले भने, ‘अहिले मैंले समस्याको कुराहरू गरें। तर हामीले समाधान पनि दिनुपर्छ। हाम्रा बाध्यताहरू छन्, एक्लै छैनौँ, सरकारमा छौँ। कतिपय कुरामा कम्प्रमाइज गरेका छौँ। तर आधारभूत कुरामा कम्प्रमाइज गर्न सक्दैनौं। हामीले यो भन्न सक्नुपर्छ, परिआएको खण्डमा सरकारबाट बाहिर जान्छौँ। सरकार मात्रै सबैभन्दा ठूलो कुरा होइन।’
बिएल संवाददाता - काठमाडौं
काठमाडौं महानगरपालिकाकी उपमेयर सुनिता डंगोलले सामाजिक सञ्जालमा स्टन्ड गर्दैमा देश नबन्ने बताएकी छन्। बिहीबार लोकतन्त्र दिवसको अवसरमा भृकुटीमण्डपमा नेकपा एमालले आयोजना गरेको यूथ सेलिब्रेसन कार्यक्रममा बोल्दै उनले मेयर बालेन शाहलाई लक्षित गर्दै सामाजिक सञ्जालमा अरुलाई गाली गरेर स्टन्ड गरेर मात्र देश नबन्ने भन्दै इमान्दारितापूर्वक काम गर्नुपर्ने बताईन्। उनले भनिन्, ‘अहिले हामीले देख्छौं। धेरै जनाले स्टन्ड गर्नुहुन्छ। बोल्नुहुन्छ। पपुलर बन्नुहुन्छ। पपुलिष्ट भएर नै देश बन्छ जस्तो पनि लाग्छ। अरुलाई गाली गरेर नै देश बन्छ जस्तो पनि लाग्छ। तर स्टन्ड गरेर देश बन्दैन। देश बनाउने हो भने काममा इमान्दारिता हुनुपर्छ। त्यसैले हामी स्टन्ड गर्ने युवा हैनौं। काम गर्ने युवा बनौं, हामी अराजक युवा हैनौं।’
बिएल संवाददाता - काठमाडौं
नवनियुक्त शिक्षा विज्ञान तथा प्रविधिमन्त्री रघुजी पन्तले पद तथा गोपनीयताको शपथ लिएका छन्। बिहीबार राष्ट्रपति कार्यालय शीतल निवासमा आयोजित विशेष समारोहमा राष्ट्रपति रामचन्द्र पौडेलबाट उनले शपथ ग्रहण गरेका हुन्। विद्या भट्टराईले शिक्षामन्त्रीबाट राजीनामा दिएसँगै एमालेबाट पन्त शिक्षामन्त्रीमा नियुक्त भएका हुन्।
बिएल संवाददाता - काठमाडौं
नेपाली कांग्रेसका महामन्त्री गगन थापाले अहिलेका प्रमुख पार्टीका शीर्ष नेताहरूप्रति आममानिसको विश्वास टुटिसकेको दाबी गरेका छन्। लोकतन्त्र दिवसका अवसरमा आयोजित ‘आजको लोकतन्त्र: अवसर र चुनौती’ विषयक संवाद कार्यक्रमलाई सम्बोधन गर्दै उनले सरकारले जनअपेक्षा पूरा गर्न नसकेको बताए। उनले सरकारले जनअपेक्षाअनुसार काम गर्न नसक्दा जनतामा असन्तुष्टि बढेको पनि टिप्पणी गरे।
बिएल संवाददाता - काठमाडौं
स्वास्थ्यमन्त्री प्रदीप पौडेलले आवासीय चिकित्सकलाई सरकारी सरह भत्ता नदिए निजी मेडिकल कलेजलाई मन्त्रालयबाट हुने सबै सहयोग रोक्ने चेतावनी दिएका छन्। आवासीय चिकित्सकलाई ८औं तहको निर्वाह भत्ता दिनुपर्ने सरकारले निर्णय गरेपनि निजी मेडिकल सञ्चालकहरूले श्रमशोषण गरेको आरोप लगाउँदै चिकित्सकहरूले आन्दोलन थालेका छन्। बिहीबार नेपाल चिकित्सक संघ, आवासीय चिकित्सकले गठन गरेको स्वास्थ्यकर्मीका लागि सुरक्षित कार्यस्थल समितिसँगको छलफलमा मन्त्री पौडेलले सरकारको निर्णय कार्यावन्यन नगरेसम्म मन्त्रालयबाट कुनै पनि सहयोग नहुने बताए।
बिएल संवाददाता - काठमाडौं
एमाले नेता महेश बस्नेतले पूर्व ऊर्जाराज्यमन्त्री पूर्णबहादुर तामाङमाथि भ्रष्टाचारको गम्भीर आरोप लगाएका छन्। बिहीबार फेसबुकमा स्टाटस देख्दै बस्नेतले तामाङमाथि राष्ट्रबैंकको गभर्नर नियुक्तिका लागि २० करोडको डिल गरेको प्रमाण फेला परेपछि प्रधानमन्त्रीले बर्खास्त गरेको दाबी गरेका छन्। बस्नेतले तामाङले ऊर्जा राज्यमन्त्री भएको आडमा कुलमान जोगाएको नाटक गर्दै कुलमानसँग मिलेर अर्बौँको ठेक्कापट्टामा मिलोमतो र अनियमितता गरेको पनि आरोप लगाएका छन्। उनले तामाङले पद खुस्किएपछि प्रधानमन्त्री ओलीको विरुद्ध अनेक आरोप लगाउँदै हिँडेको भन्दै एमाले पङ्क्तिको हातमा पनि दही जमेर नबसेको चेतावनी दिएका छन्।
बिएल संवाददाता - काठमाडौं
उपप्रधान एंव सहरी विकासमन्त्री प्रकाशमान सिंहले हाल प्राप्त अधिकारहरू सित्तैमा नआएको बताएका छन्। बिहीबार भविष्य निर्माणः नवप्रवर्तन, लचिलोपन र दिगो विकास कार्यक्रममा बोल्दै उनले धेरै लामो संघर्षपछि अधिकारहरू प्राप्त गरेकाले त्यसलाई सुरक्षित गर्ने जिम्मेवारी सबैजनाको भएको बताएका हुन्। उनले भने, ‘जुन अधिकारहरू हामी प्राप्त गरिराखेका छौं ति अधिकारहरू सित्तैमा आएको होइन। धेरै लामो संघर्षपछि प्राप्त गरेका छौं। प्राप्त अधिकारहरूलाई सुरक्षित गर्ने तपाईं हामीहरूको जिम्मेवारी हो। सबैले के बुझ्नुपर्यो भने जसरी अहिले हामी भेला भएका छौं त्यो अधिकार खोसियो भने के हुन्छ? त्यो बुझ्न आवश्यक छ। अधिकारको कुरा पनि गरौं, सँगसँगै आफ्नो जिम्मेवारीमा पनि जोड दिनुपर्छ।’
बिएल संवाददाता - काठमाडौं
भारतको कश्मीरमा मंगलबार भएको आतंककारी हमलाविरुद्ध जनकपुरधामका हिन्दू अगुवाहरूले विरोध प्रर्दशन गरेका छन्। विरोध स्वरुप उनीहरूले जनकपुरधामको जानकी मन्दिर प्राङ्गणबाट र्याली निकाल्दै नगरका विभिन्न चोकमा नारा लगाएका छन्। उनीहरूले पहलगाम हमलामा संलग्न आतंकवादीहरूले अपनाउने धर्म विशेषविरुद्ध मुर्दावादको नारा लगाएका थिए। र्याली पश्चात उनीहरूले आतंकवादीको पुत्लासमेत जलाएका छन्।
बिएल संवाददाता - जनकपुरधाम
नेपाली कांग्रेसका महामन्त्री गगनकुमार थापाले नागरिकको अवस्था बदलिन नसक्दा आम असन्तुष्टिहरू देखा पर्नु स्वाभाविक रहेको बताएका छन्। बिहीबार लोकतन्त्र दिवसको अवसरमा शुभकामना दिँदै महामन्त्री थापाले लोकतान्त्रिक व्यवस्थामा पनि नागरिकको अवस्था बदलिन नसकेको स्वीकार गरेका हुन्। उनले राजतन्त्रलक्षित गर्दै लोकतन्त्रमा आम असन्तुष्टि स्वाभाविक भएपनि यसको विकल्प कुनै पनि प्रकारको अतिवाद हुन नसक्ने टिप्पणी गरेका छन्।
बिएल संवाददाता - काठमाडौं
शिक्षा मन्त्रीको राजीनामापछि शिक्षक आन्दोलनप्रति सरकारको संवेदनशीलता घट्दै गएको भन्दै अध्यक्ष प्रचण्डले संसदबाटै शिक्षकका मागहरू सम्बोधन गर्न सांसदहरूलाई जिम्मेवार भूमिका निर्वाह गर्न निर्देशन दिए।
बिएल संवाददाता - काठमाडाैं
अमेरिकी सरकारले सिधा लगानी रहेको मिलेनियम च्यालेन्ज कर्पोरेसन (एमसिसी) नेपालमा भित्रिएको सबैभन्दा ठूलो आर्थिक सहायता परियोजना हो। दशकौंसम्मको राजनीतिक विवादपछि यसलाई नेपालको संसदले नै पारित गरेर कामहरू अघि बढेका थिए।
बिएल संवाददाता - काठमाडाैं
प्रधानमन्त्री केपी शर्मा ओलीले ऊर्जा राज्यमन्त्री पूर्णबहादुर तामाङ (कान्छाराम)लाई बर्खास्त गरेका छन्। उर्जामन्त्री दीपक खड्का र विद्युत प्राधिकरणका कार्यकारी निर्देशक कुलमान घिसिङको विवादमा राज्यमन्त्री तामाङ घिसिङको पक्षमा खुलेरै लागेका थिए। कुलमानलाई हटाएपछि राज्यमन्त्री तामाङ प्रधानमन्त्री ओली र उर्जामन्त्री खड्काको तारो बनेका थिए। खड्का र तामाङ दुवैजना नेपाली कांग्रेसका सांसद हुन्।
बिएल संवाददाता - काठमाडौं
नेकपा एमालेका नेता रघुजी पन्त शिक्षामन्त्री नियुक्त भएका छन्। प्रधानमन्त्री केपी शर्मा ओलीको सिफारिसमा राष्ट्रपति रामचन्द्र पौडेलले पन्तलाई बुधबार शिक्षामन्त्री नियुक्त गरेका हुन्। उनको सपथ भोलि साँझ ४ बजेका लागि तयारी गरिएको छ। शीतल निवासले एक विज्ञप्ति जारी गर्दै प्रधानमन्त्रीले गरेको नियुक्ति, हेरफेर र कार्यविभाजनसहितको मन्त्रिपरिषद् पूनर्गठनको सूची सार्वजनिक गरेको छ। नवनियुक्त शिक्षान्त्री पन्त मन्त्रिपरिषद्को बरियताक्रमको आठौं नम्बरमा राखिएको छ। उनीभन्दा अघि सतौं नम्बरमा परराष्ट्रमन्त्री डा. आरजु राणा छिन्।
बिएल संवाददाता - काठमाडौं
कर्णाली प्रदेशका मुख्यमन्त्री यामलाल कँडेलले सानै उमेरमा राजनीतिमा नलाग्न बालबालिकालाई सुझाव दिएका छन्। कर्णाली प्रदेशस्तरीय बाल सञ्जालको ज्ञापनपत्र बुझ्दै मुख्यमन्त्री कँडेलले राजनीतिबारे जानकारी लिए पनि राजनितीमा बुझेर मात्र लाग्न सुझाव दिएका हुन्। ‘राजनीतिबारे बुझ्नुहोला, ज्ञान लिनु होला, तर सानै उमेरमा राजनीति नगर्नु होला,’ उनले भने, ‘यो उमेरकै तपाईहरूलाई राजनीति गर्नुस् त भन्दिन् तर राजनीति गर्ने बेला बुझेर मात्र गर्नुहोला।’ राजनीति अधिकारको खोजीको यात्रा भएको उनको भनाइ छ। विद्यालय बाहिर रहेका बालबालिकाको हितमा पनि आवाज उठाउन सञ्जालका पदाधिकारीलाई सुझाव दिए। मुख्यमन्त्री कँडेलले आफ्नो मात्र नभएर बिद्यालय जान नपाएका बालबालिकाहरूको पनि सवाललाई उठाउन उनीहरूलाई आग्रह गरे।
बिएल संवाददाता - काठमाडौं
१ .
२ .
३ .
४ .
५ .
