भारतको महाराष्ट्रमा ‘सुखोई लडाकु विमान’ दुर्घटना
पश्चिम भारतको महाराष्ट्र राज्यमा मङ्गलबार एउटा सुखोई लडाकु विमान दुर्घटनाग्रस्त भएको अधिकारीहरूले बताएका छन्। पाइलट र को–पाइलट दुवै सकुशल बाहिर निस्किएका छन्। तर उनीहरूलाई सामान्य चोट लागेको छ। महाराष्ट्रको राजधानी मुम्बईबाट एक सय ९४ किलोमिटर उत्तरपूर्वमा रहेको नासिक जिल्लाको शिरसगाउँ गाउँमा उड्ने क्रममा विमान दुर्घटना भएको हो। “पाइलटहरूले एक प्राविधिक समस्या रिपोर्ट गरेका थिए। विस्तृत अनुसन्धानपछि मात्र सही कारण थाहा हुनेछ”, भारतको सरकारी स्वामित्वको एयरोस्पेस र रक्षा कम्पनी एचएएलले विज्ञप्तिमा भनेको छ।
बिएल संवाददाता - नयाँदिल्ली
.jpg)
