नेकपा (माओवादी केन्द्र)का पूर्वकेन्द्रीय सदस्य ज्ञानु पुन, स्थानीय नेता हाेम बहादुर घर्तीसहित करिब ६३ जनाले नेकपा (एमाले) प्रवेश गरेका छन्।
एमाले रुन्टीगढी गाउँपालिकाद्वारा वडा-३ डाफ्लामा आयाेजित पार्टी प्रवेश तथा संगठन सुदृढीकरण अभियानका क्रममा उनीहरूले माओवादी परित्याग गरि एमाले राेजेका हुन्।
आइतबार एमाले केन्द्रीय सदस्य तथा राेल्पा जिल्ला सह-इन्चार्ज कुमार दसाैदी, केन्द्रीय सदस्य तथा राेल्पा जिल्ला सह-इन्चार्ज ईश्वरी जीएम, जिल्ला कमिटी अध्यक्ष बालाराम बुढालगायतका नेताहरूले नवप्रवेशीहरूलाई टीका र माला लगाई स्वागत गरेका थिए।
