BreakNLinks

बुधबार, ०६ मे २०२६

राजनीति

एमालेको ‘गणतन्त्र उत्सव’ भव्य र शान्त रुपमा सम्पन्न भयोः महासचिव पोखरेल

नेकपा एमालेका महासचिव शंकर पोखरेलले एमालेको गणतन्त्र उत्सव भव्य र शान्त रुपमा समापन भएको बताएका छन्। बिहीबार एमालेले आयोजना गरेको गणतन्त्र उत्सवको समापनमा बोल्दै उनले विभिन्न जातजातिका बाजागाजासहित र्‍यालीकासाथ गणतन्त्र उत्सवलाई भव्य रुपमा समापन गरिएको जानकारी दिए। उनले भने,‘हामीले यो उत्सव अत्यन्तै भव्य र शान्त रुपमा विभिन्न जातजाति बाजागाजा संस्कृतिकासाथ गणतन्त्र उत्सवलाई भव्य र्‍यालीकासाथ सम्पन्न गरेको छौं।’ त्यस्तै उनले जनताको बलिदानबाट प्राप्त भएको लोकतान्त्रिक गणतन्त्र जनताको सार्वभौम सत्ताको प्रतिकको रुपमा रहेको बताए।

बिएल संवाददाता

बिएल संवाददाता - काठमाडौं

आर्थिक वर्ष ०८२/८३ का लागि १९ खर्ब ६४ अर्ब ११ करोड बराबरको बजेट पेश (पूर्णपाठ सहित)

अर्थमन्त्री विष्णु पौडेलले आगामी आर्थिक वर्ष २०८२/८३ का लागि १९ खर्ब ६४ अर्ब ११ करोड रुपैयाँ बराबरको बजेट पेश गरेका छन्। बिहिबार संघीय संसदको संयुक्त बैठकमा अर्थमन्त्री पौडेलले आगामी आर्थिक वर्षका लागि विनियोजन र स्रोत व्यवस्थापनको अनुमान सार्वजनिक गरेका हुन्। अर्थमन्त्री पौडेलका अनुसार आगामी आर्थिक वर्षमा चालुतर्फ ११ खर्ब ९० अर्ब ९८ करोड (६०.१ प्रतिशत), पुँजीगततर्फ चार खर्ब सात अर्ब ९९ करोड २०.८ प्रतिशत र वित्तीय व्यवस्थापनतर्फ तीन खर्ब ७५ अर्ब २४ करोड १९.१ प्रतिशत खर्च हुने अनुमान गरिएको छ। यो अनुमान चालु आर्थिक वर्षको विनियोजनको तुलनामा ५.६ प्रतिशतले र संशोधित अनुमानको तुलनामा १८.२ प्रतिशतले बढी हो। कुल विनियोजनमा प्रदेश र स्थानीय तहमा वित्तीय हस्तान्तरणतर्फ चार खर्ब १७ अर्ब ८३ करोड रुपैयाँ विनियोजन गरिएको छ।

बिएल संवाददाता

बिएल संवाददाता - काठमाडौं

थप ५ लाख नागरिकलाई लालपूर्जा वितरण गर्ने सरकारको निर्णय

यस्तै, सरकारले आगामी आर्थिक वर्षमा थप ५ लाख नागरिकलाई जग्गाको लालपूर्जा वितरण गर्ने योजना ल्याएको छ। उनले भूमिसम्बन्धी कानुनमा संशोधन गरी पाँख लाख परिवारलाई लालपूर्जा प्रदान गर्ने घोषणा गरेका हुन्। उनका अनुसार भूमि व्यवस्था, सहकारी तथा गरिबी निवारण मन्त्रालयका लागि ७ अर्ब ४९ करोड बजेट विनियोजन गरिएको छ।

बिएल संवाददाता

बिएल संवाददाता - काठमाडौं

सहकारीका बचतकर्ताको पाँच लाखसम्मको कर्जा सुरक्षण गरिने

सरकारले सहकारीमा पाँच लाखसम्म बचत गर्नेको कर्जा सुरक्षण गर्ने व्यवस्था गर्ने भएको छ। आर्थिक वर्ष २०८२/८३ को बजेट प्रस्तुत गर्दै उपप्रधान तथा अर्थमन्त्री विष्णुप्रसाद पौडेलले सहकारीको रकम अपचलन गर्नेको सम्पत्ति लिलाम बिक्री गरी प्राप्त हुने रकम बचतकर्तालाई फिर्ता गर्न चक्रिय कोष स्थापना गर्नका लागि बिउ पुँजीको व्यवस्था गरिएको बताएका हुन्। उनले भने, ‘सहकारीमा पाँच लाखसम्मको बचतको निक्षेप तथा कर्जा सुरक्षण कोषमार्फत निक्षेप सुरक्षण गरिनेछ। सहकारीको रकम अपचलन गर्नको सम्पत्ति लिलाम बिक्री गरी प्राप्त हुने रकम बचतकर्तालाई फिर्ता गर्न चक्रिय कोष स्थापना गर्नका लागि बिउ पुँजीको व्यवस्था गरेको छु।’

बिएल संवाददाता

बिएल संवाददाता - काठमाडौं

ओलीको क्षेत्रमा अन्तर्राष्ट्रियस्तरको रंगशाला बन्ने, टीयू क्रिकेट मैदानलाई ४० करोड

सरकारले झापाको दकममा अन्तर्राष्टियस्तरको आधुनिक रंगशाला निर्माण गर्ने घोषणा गरेको छ। बिहीबार प्रतिनिधि सभामा बजेट प्रस्तुत गर्दै अर्थमन्त्री विष्णु पौडेलल काठमाडौंको मुलपानीलगायत मोरङ, कैलाली र रुपन्देही जिल्लामा निर्माणाधीन रंगशालाहरूका लागि ४२ करोड विनियोजन गरिएको जानकारी गराए। त्यस्तै उनले खेल पूर्वाधार र संरचनाहरूमा लगानी बढाउँदै लैजाने र खेल क्षेत्रमा निजी क्षेत्रलाई समेत आकर्षित गरिने पनि बताए। यस्तै, कीर्तिपुरको क्रिकेट रंगशालाको स्तरोन्नतिका लागि ४० करोड रुपैयाँ विनियोजन गरिएको छ।

बिएल संवाददाता

बिएल संवाददाता - काठमाडौं

यस्ता छन् आगामी बजेटका पाँच उद्देश्य र सात प्राथमिकता

अर्थमन्त्री विष्णुप्रसाद पौडेलले आगामी बजेटका पाँच उद्देश्य र सात प्राथमिकता सुनाएका छन्। बिहीबार संघीय संसद्को संयुक्त बैठकमा आउँदो साउनदेखि कार्यान्वयन हुने वार्षिक बजेट वक्तव्य (आर्थिक वर्ष २०८२/८३) वाचन गर्दै अर्थमन्त्री पौडेलले बजेटका पाँच उद्देश्य र सात प्राथमिकताबारे उल्लेख गरेका हुन्। पाँच उद्देश्य १. आगामी बजेट कार्यान्वयनमार्फत उच्च दिगो एवम् फराकिलो आर्थिक विकास हासिल गरी गरिबी निवारण गर्ने। २. उद्यमशीलता विकास र सार्वजनिक तथा निजी लगानी विस्तार गरी रोजगारी सृजना गर्ने ।  ३. आधुनिक प्रविधिको प्रयोग बढाउँदै आर्थिक क्षमता वृद्धि गर्ने।

बिएल संवाददाता

बिएल संवाददाता - काठमाडौं

प्रचण्डको आह्वानः गणतन्त्रविरुद्ध प्रश्न उठाउने दुस्साहस भइरहेको छ, प्रतिवाद गरौं

नेकपा (माओवादी केन्द्र)का अध्यक्ष पुष्पकमल दाहाल (प्रचण्ड)ले गणतन्त्रविरुद्ध प्रश्न उठाउने दुस्साहस भइरहेको भन्दै आपत्ति जनाएका छन्। बिहीबार काठमाडौंमा गणतन्त्र दिवसको अवसरमा आयोजित कार्यक्रममा बोल्दै प्रचण्डले गणतन्त्रका विरुद्ध प्रश्न उठाउने दुस्साहस भइरहेको भन्दै त्यसको प्रतिवाद गर्ने प्रतिवद्धता आजको आवश्यकता रहेको बताए। उनले भने,‘अहिले गणतन्त्रका विरुद्ध प्रश्न उठाउने एकथरी मानिसले निरर्थक दुस्साहस गरेका छन्। त्यसको प्रतिवाद गर्ने प्रतिवद्धता पनि आजको आवश्यकता हो।’ त्यस्तै उनले गणतन्त्र सबै वर्गको मानिसहरुको योगदानको परिणाम भएको धारणा राखे। संघीय लोकतान्त्रिक गणतन्त्रको रक्षाको लागि फेरी एक पटक आ-आफ्नो ठाउँबाट एकतावद्ध भएर सबैले पहल गर्न जरुरी रहेको उनको भनाइ छ।

बिएल संवाददाता

बिएल संवाददाता - काठमाडौं

गणतन्त्र केही मुठ्ठिभरका विचौलियाका लागि मात्रै आयो: झलनाथ खनाल

नेकपा (एकीकृत समाजवादी)का सम्मानित नेता झलनाथ खनालले गणतन्त्र केही मुठ्ठीभरका बिचौलियाका निम्ति मात्रै भएको बताएका छन्। गणतन्त्र दिवसको अवसरमा नेकपा एकीकृत समाजवादीले बिहीबार काठमाडौंमा आयोजना गरेको कार्यक्रममा बोल्दै उनले अहिले देशको गणतन्त्र आम जनताको लागि नभइ शोषकहरूको गणतन्त्र बनिरहेको बताएका हुन्। उनले भने, ‘यो गणतन्त्र केही मुठ्ठीभरका विचौलियाको निम्ति थिएन। यो गणतन्त्र मुठ्ठिभरका दलाल पूँजीपति वर्गको निम्ति मात्रै स्थापना गरिएको होइन। यो गणतन्त्र विभिन्न किसिमका भ्रष्ट तत्वहरूको हितका निम्ति स्थापित गरिएको थिएन। अहिले देशको गणतन्त्र आम जनताको लागि छैन। अहिले मुठ्ठीभर दलाल पूँजीपतिको लागि मात्रै गणतन्त्र बनिराखेको छ। देशका शोषकहरूको गणतन्त्र बनिरहेको छ। जनताको गणतन्त्र बन्न सकिरहेको छैन।’ साथै उनले भिजिट भिसा प्रकरणमा धेरैको योजनासाथ धन्दा चलिरहेको बताए। उनले एउटालाई मात्र बलिको बोको बनाएर अन्यलाई चोख्याउन खोजेको आरोप लगाए।

बिएल संवाददाता

बिएल संवाददाता - काठमाडौं

आर्थिक सर्वेक्षण प्रतिनिधि सभामा प्रस्तुतः अर्थतन्त्रको आकार ६१ खर्ब ७ अर्ब पुग्ने अनुमान (पूर्णपाठ)

अर्थमन्त्री विष्णुप्रसाद पौडेलले आर्थिक वर्ष २०८१/८२ को आर्थिक सर्वेक्षण प्रतिनिधि सभामा पेश गरेका छन्। बिहीबार बसेको प्रतिनिधिसभाको बैठकमा अर्थमन्त्री पौडेलले पेश गरेको आर्थिक सर्वेक्षणमा चालू आर्थिक वर्षको आर्थिक वृद्धिदर ४.६१ प्रतिशत हुने अनुमान गरिएको छ। चालू आर्थिक वर्षमा नेपालको अर्थतन्त्रको आकार ६१ खर्ब ७ अर्ब पुग्ने, साथै प्रतिव्यक्ति कूल राष्ट्रिय आय १५१७ अमेरिकी डलर पुग्ने अनुमान गरिएको छ।

बिएल संवाददाता

बिएल संवाददाता - काठमाडौं

गणतन्त्र सानो मेहेनत र प्रयासले आएको होइन: माधव नेपाल

नेकपा एकीकृत समाजवादीका अध्यक्ष माधवकुमार नेपालले नेपालमा सानो मेहेनत र प्रयासले गणतन्त्र नआएको बताएका छन्। १८औं गणतन्त्र दिवसका अवसरमा पार्टीले आयोजना गरेको कार्यक्रममा बोल्दै उनले गणतन्त्र दिवस मनाइरहेको बेला विगतका अनेक उतारचढावको सम्झना आइरहेको बताए। उनले भने, ‘आज गणतन्त्र दिवस मनाइरहेको बेलामा विगतका अनेक उतारचढावको सम्झना भइरहेको छ। सानो दुःखले आर्जेको मुलुक यो होइन भनेजस्तै सानो मेहेनत र प्रयासले नेपालमा गणतन्त्र आएको होइन। यो राम्ररी सम्झना गर्नुपर्ने आवश्यकता छ। कम्युनिस्ट पार्टीभित्रै पनि आँट, दृष्टिकोण नभएका पनि हुन्छन्। समय अनुसार चल्न नजान्नेहरू, समयको प्रवाहलाई नबुझ्नेहरूमा आत्मविश्वास पाउन सकिदैन।’

बिएल संवाददाता

बिएल संवाददाता - काठमाडौं

आफ्नो नेता आफैं छान्न पाउने ‘गणतन्त्रात्मक’ शासन व्यवस्थाको विकल्प छैन: ओली

प्रधानमन्त्री केपी शर्मा ओलीले आफ्ना लागि आफैंले नेता छनोट गर्न पाउने सङ्घीय लोकतान्त्रिक गणतन्त्रात्मक शासन व्यवस्थाको विकल्प नरेको बताएका छन्। गणतन्त्र दिवसका २०८२ को उपलक्ष्यमा टुँडिखेलमा ओयोजित विशेष समाराहलाई सम्बोधन गर्दै प्रधानमन्त्री ओलीले हरेक नागरिकको आत्मससम्मान सुरक्षित रहने गणतन्त्रान्त्रिक व्यवस्थाको विकल्प अरु हुनै नसक्ने दाबी गरे। गणतान्त्रिक शासन व्यवस्थामा शिक्षा, स्वास्थ्य, उद्यम, रोजगारी पूर्वाधारलगायतका क्षेत्रमा अतुलनीय उपलब्धिसहित परिवर्तन भएको उल्लेख गर्दै उनले गणतन्त्रलाई अझ सुदृढ र बलियो बनाउन हामी सबै एक हुनुपर्नेमा जोड दिए। प्रधानमन्त्रीले भने, ‘सुशासन, पारदर्शिता र उत्तरदायित्व गणतान्त्रिक व्यवस्थाको मेरुदण्ड हो, हामी त्यसलाई बलियो बनाउन लागेका छौं। समृद्ध नेपाल सुशी नेपाली को राष्ट्रिय आकाङ्क्षा पूरा गर्न लागिपरेका छौं।’

बिएल संवाददाता

बिएल संवाददाता - काठमाडौं

गणतन्त्र दिवसमा दीपकराज गिरिको शुभकामनाः आस्था सबैलाई छ, बाग्मती जस्तै हो…

१८औं गणत्नत्र दिवस देशभर उत्सवका रुपमा मनाइँदैछ। राष्ट्रपति, प्रधानमन्त्री, विभिन्न राजनीतिक दलका नेताहरू लगायत विभिन्न क्षेत्रका व्यक्तिहरूले गणतन्त्र दिवसको शुभकामना दिएका छन्। आफ्ना अभिव्यक्तिका कारण बेलाबेला विवादमा आइरहने कलाकार दीपकराज गिरिले पनि गणतन्त्र दिवसको शुभकामना दिएका छन्। उनले गणतन्त्रलाई बागमती नदीसँग तुलना गर्दै सबैलाई आस्था भएको तर, भ्रष्टाचारको ढल मिसिएकाले नाक खुम्च्याउनु परेको टिप्पणी गरेका छन्।

बिएल संवाददाता

बिएल संवाददाता - काठमाडौं

आज जनताले जितेको दिन गणतन्त्र दिवस

तत्कालीन सात राजनीतिक दलले निरङ्कुश राजतन्त्रकाविरुद्ध आह्वान गरेको शान्तिपूर्ण जनआन्दोलन र विद्रोही नेपाल कम्युनिस्ट पार्टी (माओवादी)ले गरेको सशस्त्र सङ्घर्षका उपलब्धिका रूपमा देशले गणतन्त्रको अभ्यास गरेको १८ वर्ष भएको छ।

बिएल संवाददाता

बिएल संवाददाता - काठमाडौँ

रत्नपार्कमा समय विभाजन, एमालेको कार्यक्रम सकिएपछि मात्रै राजावादीले प्रवेश पाउने

जेठ १५ गते गणतन्त्र दिवसका दिन सरकारमा रहेको एमाले र व्यवस्था विरोधी राजावादी समूहको छुट्टाछुट्टै प्रदर्शन हुँदैछ। दुवै समूहले भोलिको कार्यक्रम रत्नपार्क केन्द्रीत गर्दैछन्। जसका लागि राजावादी समूहलाई दिउँसो साढे २ बजेपछि मात्रै रत्नपार्क प्रवेश अनुमति दिइने भएको छ। त्यसअघि एमालेले कार्यक्रम सकिसक्नु पर्नेछ। जिल्ला प्रहरी परिसर काठमाडौंका प्रमुख एसएसपी विश्व अधिकारीका अनुसार। काठमाडौंमा प्रमुख जिल्ला अधिकारी ऋषिराम तिवारीको अध्यक्षतामा बसेको जिल्ला सुरक्षा समितिको बैठकले त्यस्तो निर्णय गरेको हो। सरकारले सैनिक मञ्च, टुँडिखेलमा गणतन्त्र दिवस कार्यक्रम १२ बजेभित्र सकिसक्ने गरी तालिका बनाइएको छ। त्यसपछि एमालेले भृकुटीमण्डपमा गणतन्त्रको उत्सव मनाउने छ।

बिएल संवाददाता

बिएल संवाददाता - काठमाडौं

इँटाभट्टामा जिउँदै मान्छे पोलेर मारेको आरोप लागेका अफताव आलमले पाए सफाइ

नेपाली कांग्रेसका नेता मोहम्मद अफताव आलमलाई राजपुर हत्याकाण्डमा उच्च अदालत वीरगन्जले सफाइ दिएको छ। बुधबार न्यायाधीशद्वय खुसीप्रसाद थारु र अर्जुन महर्जनको इजलासले यसअघि रौतहट जिल्ला अदालतको जन्मकैदको फैसला उल्ट्याउँदै सफाइ दिएको हो। उनीमाथि रौतहटको राजपुरमा भएको बमकाण्डमा घाइते भएकाहरूलाई जिउँदै इँट्टा भट्टामा हालेर हत्या गरेको आरोप लागेको थियो। हाल केन्द्रीय कारागार नख्खुमा थुनामा रहेका आलमलाई आजै थुनामुक्त गर्ने तयारी गरिएको छ।

बिएल संवाददाता

बिएल संवाददाता - काठमाडौं

जेठ १५ का लागि एमालेले खटायो ९५० स्वयंसेवक, पार्टी कार्यालयमा प्रशिक्षण

गणतन्त्र दिवसको अवसरमा आयोजना गर्न लागेको कार्यक्रममा एमालेले ९५० जना स्वयंसेवक खटाएको छ। पार्टी कार्यालयमा बुधबार विभिन्न जनवर्गीय संगठनहरूबाट छानिएका स्वयंसेवकहरूलाई प्रशिक्षणसमेत दिएको छ। स्वयंसेवकहरूलाई कार्यक्रमबारे विस्तृतमा जानकारी र खटिने क्षेत्रबारे प्रशिक्षण दिएको हो। बालुवाटार स्रोतका अनुसार राजावादीहरूसँग मुडभेड नहोस् भनेर कार्यक्रमको सुरक्षार्थ र व्यवस्थापनका लागि ठूलो संख्यामा स्वयंसेवक खटाउन लागिएको हो। केही दिनअघि प्रधानमन्त्री एवं एमाले अध्यक्ष केपी शर्मा ओलीले जेठ १५ गते काठमाडौैं कब्जा गर्न कार्यकर्ताहरूलाई निर्देशन दिएका थिए।

बिएल संवाददाता

बिएल संवाददाता - काठमाडौं

पत्रकार सम्मेलन गर्नै गृहमन्त्रीले भनेः ममाथि अन्याय भयो

भिजिट भिसा प्रकरणमा मुछिएका गृहमन्त्री रमेश लेखकले पदबाट राजीनामा नदिने स्पष्ट पारेका छन्। संसद भवन परिसरमै पत्रकार सम्मेलन गर्दै उनले आफूमाथि राजनीतिक पूर्वाग्रह राखेर राजीनामा मागिएको दाबी गर्दै कर्मचारीमाथि अनुसन्धान हुँदा राजनीतिक नेतृत्वलाई जोड्दै जाने हो भने व्यवस्था चल्न नसक्ने बताए। उनले आफूमाथि अन्याय भएको दाबी गर्दै न्याय पाउनुपर्ने बताए। उनले आफूविरुद्ध कुनै उजुरी र छानबिन नभएको स्पष्ट पारे।

बिएल संवाददाता

बिएल संवाददाता - काठमाडौं

राष्ट्रपति पौडेल र न्यूजिल्याण्डका उपप्रधानमन्त्रीबीच शिष्टाचार भेटवार्ता

राष्ट्रपति रामचन्द्र पौडेलसँग न्यूजिल्याण्डका उपप्रधान तथा परराष्ट्रमन्त्री विन्स्टन पिटर्सले राष्ट्रपति भवन शीतल निवासमा बुधबार शिष्टाचार भेट गरेका छन्। सो अवसरमा राष्ट्रपति पौडेलले उपप्रधानमन्त्री पिटर्सलाई नेपाल सन् २०३० सम्ममा मध्यम आय भएको मुलुक बन्नेतर्फ अग्रसर भएकाले यो लक्ष्य हासिल गर्न व्यापार, लगानी र विकास सहकार्यका लागि आग्रह गरेको उनका प्रेस सल्लाहकार किरण पोखरेलले बताएका छन्। नेपाल र न्यूजिल्याण्ड विभिन्न अन्तर्राष्ट्रिय विषयहरूमा साझा धारणासहित बहुपक्षीय मञ्चहरूमा सहकार्य गर्दै आएको स्मरण गर्दै उनले स्तरोन्नति तर्फकोे यात्रालाई दीगो बनाउन व्यापार, लगानी र विकास सहकार्यका सन्दर्भमा न्यूजिल्याण्डबाट सहयोगको अपेक्षा गरेको बताए।

बिएल संवाददाता

बिएल संवाददाता - काठमाडौं

प्रतिनिधि सभा बैठक सूचना टाँसेर स्थगित

प्रतिनिधिसभाको आजका लागि तय भएको बैठक सूचना टाँस गरेर बिहीबार दिउँसो १ बजेसम्मका लागि स्थगित भएको छ। विपक्षी दलले भिजिट भिसा प्रकरणमा मुछिएका गृहमन्त्री रमेश लेखकको राजीनामा नआएसम्म बैठक चल्न नदिने बताउँदै बैठक अवरुद्ध गर्दै आएका छन्। भोलि जेठ १५ गते संसदमा बजेट प्रस्तुत गर्नुपर्ने संवैधानिक बाध्यता रहेकाले सरकारले भोलिको संसदमा बजेट प्रस्तुत गर्दैछ।

बिएल संवाददाता

बिएल संवाददाता - काठमाडौं

भिजिट भिसामा ‘घुस’ खुवाएको प्रमाण पठाउन रास्वपाको अपिल

राष्ट्रिय स्वतन्त्र पार्टी (रास्वपा)ले भिजिट भिसा प्रकरणमा प्रमाण जुटाउन थालेको छ। रास्वपा सांसदहरू शिशिर खनाल र सोबिता गौतमले घुस खुवाएर भिजिट भिसामा जानुपरेको भए प्रमाण पठाउन सार्वजनिक अपिल गरेका छन्। सांसद गौतमले अब ‘अन्याय सहेर बस्ने नभइ, बोल्ने र बदल्ने समय आएको’ बताउँदै भ्रष्टाचारविरुद्धको अभियानमा एकजुट हुन अपिल गरेकी छन्। सोबिताले भनेकी छन्, ‘भिजिट भिसामा विदेश जानुभएका नेपाली दाजुभाइ दिदीबहिनीहरूलाई अनुरोध छ, विदेश जानुअघि वा पछि तपाईंलाई कसले, कुन माध्यमबाट, कुन खातामा कति घुस तिर्न बाध्य बनायो ? यदि तपाईंसँग प्रमाण छ भने, कृपया मलाई sobitarsp@gmail.com मा पठाइदिनुहोस्।’

बिएल संवाददाता

बिएल संवाददाता - काठमाडौं

ट्रेन्डिङ