नेपाल बार एशोसिएसनका अध्यक्ष चण्डेश्वर श्रेष्ठले प्रधानन्यायाधीश चोलेन्द्र शम्शेर जबरा बिचौलियाका नाइके भएको आरोप लगाएका छन्।
प्रधानन्यायाधीश जबराले नियमित पेसी तोकेपछि बारकाे धर्ना र कोणसभामा बोल्दै अध्यक्ष श्रेष्ठले यस्तो प्रतिक्रिया दिएका हुन्।
‘बिचौलियाको जड, नाइके चोलेन्द्र शमशेर हो। उनलाई नहटाएसम्म बिचौलिया हट्दैन,’ उनले भने, ‘सेवाग्राही पनि समस्यामा छन्। बिचौलियाबाट पीडित छन्। सेवाग्राहीलाई पनि केही दिन साथ दिन अनुरोध गर्छु।’
अध्यक्ष श्रेष्ठले प्रधानन्यायाधीश न्यायालय बचाउन होइन पद बचाउन लागेको आरोप समेत लगाएका छन्।
‘प्रधानन्यायाधीश न्यायालय बचाउन होइन पद बचाउन लागे,’ उनले भने, ‘आफू खुसी पेसी तोके। न्यायाधीश र बारको विश्वास जित्न सकेनन्।’
श्रेष्ठले भने, ‘चोलेन्द्रको संरक्षण दलहरूले गर्ने होइन। संविधान र कानुनले गर्ने हो। चोलेन्द्र बचाउने नाममा संविधान र बारलाई कुल्चिनु हुन्छ भने त्यसको परिणाम ठिक हुनेछैन।’
.jpg)
