संसदमा ज्ञानेन्द्र शाही र एमाले सांसद पन्तबीच नोकझोक
प्रतिनिधिसभाको आइतबारको बैठकको विशेष समयमा सांसद पन्तले आफ्नो धारणा राख्ने क्रममा राप्रपाका सांसद शाही उठेर विरोध जनाउन खोजेपछि जवाफमा पन्तले आफूसँग बहस गर्ने भए इतिहास पढेर आउन भनेका हुन्। आफूले बोल्लाबोल्दै शाहीले नियमापत्ति गरेपछि सांसद पन्त आक्रोशित भए। उनले शाहीलाई डिस्टर्ब नगर्न पन्तले आग्रह गरे तर शाही चुप नलागेपछि पन्तले आफूसँग बहस गर्ने भए इतिहास पढेर आउन सुझाव दिए। पन्तले भने, ‘म इतिहासबाट सावित गरेर देखाइदिन्छु। इतिहासका अंश पढेर आउनुस्। मसँग बहस गर्ने हो भने इतिहास पढेर आउने। जुम्लामा हाहु गरेर आएको जस्तो होइन। इतिहास पढेर आउ।’
बिएल संवाददाता - काठमाडौं
