Media for all across the globe

धनुषामा बिना दर्ता सञ्चालन भएका ११ विद्यालय बन्द

धनुषाको मुखियापट्टी मुसहरनिया गाउँपालिकामा बिना दर्ता सञ्चालनमा रहेका ११ वटा निजी विद्यालयहरू बन्द गराइएको छ। गाउँपालिका अध्यक्ष जयकुमार यादवले एक सूचना जारी गर्दै पालिकाभित्र सञ्चालित दर्ता बिनाका ११ वटा निजी विद्यालय बन्द गराइएको जानकारी दिएका छन्। बन्द गराइएका विद्यालयहरूमा न्यू स्काई ईङ्गलिस स्कुल, तराई ईङ्गलिस बोर्डिङ स्कुल, चाईल्ड डेभेलपमेन्ट एण्ड लर्निङ सेन्टर, गंगालाल शिशु पाठशाला, आर्दश विद्या ईङ्गलिस स्कुल, गोल्डेन भ्याली एजुकेशनल एकेडेमी, सेन्ट जेभियर ईङ्लिस बोर्डिङ स्कुल, उज्वल विद्या ईङ्लिस एकेडमी, जिनियस ईङ्लिस बोर्डिङ स्कुल, आराध्या पब्लिक स्कुल, आरोही इन्टरनेशनल एकेडमी छन्।

बिएल संवाददाता - धनुषा

ओली थाइल्याण्ड उडेपछि प्रकाशमान सिंहले पाए कार्यवाहक प्रधानमन्त्रीको जिम्मेवारी

प्रधानमन्त्री केपी शर्मा ओली थाइल्याण्डको औपचारिक भ्रमणमा गएपछि उपप्रधान एवं सहरी विकासमन्त्री प्रकाशमान सिंहले कार्यवाहक प्रधानमन्त्रीको जिम्मेवारी पाएका छन्। राष्ट्रपति रामचन्द्र पौडेलले प्रधानमन्त्रीको अनुपस्थितिमा प्रधानमन्त्रीले गर्ने दैनिक प्रशासनिक कार्यको जिम्मेवारी सम्हाल्ने गरी सिंहलाई कावा प्रधानमन्त्रीको जिम्मेवारी तोकेका हुन्।

बिएल संवाददाता - काठमाडौं

भारतीय दूतावासले नेपालका १० स्थानीय तहलाई सहयोग गर्ने

नेपालको संघीय मामिला तथा सामान्य प्रशासन मन्त्रालय र भारतीय दूतावासबीच नेपालका विभिन्न स्थानीय तहलाई सहयोग गर्ने सम्झौतापत्रमा हस्ताक्षर भएको छ। मंगलबार संघीय मामिला तथा सामान्य प्रशासन मन्त्रालयका सहसचिव कालिप्रसाद पराजुलीले संचारकर्मीहरूसँग कुरा गर्दै १० वटा स्थानीय तहहरूसँग त्रिपक्षीय सम्झौता भएको बताए। उनले भने, ‘नेपाल सरकार र भारत सरकारबीच विभिन्न स्थानीय तहका शिक्षा, स्वास्थ्य लगायतका विभिन्न प्रोजेक्टहरूको सम्झौता पत्रमा हस्ताक्षर गरेका छौं। १० ओटा स्थानीय तहहरूसँग त्रिपक्षीय सम्झौता भएको छ। म भारत सरकारलाई हार्दिक धन्यवाद दिन चाहन्छु।’

बिएल संवाददाता - काठमाडौं

२१ जनाको टोली लिएर थाइल्याण्ड उडे ओली

प्रधानमन्त्री केपी शर्मा ओली थाइल्याण्डको औपचारिक भ्रमणमा निस्केका छन्। बिमस्टेक शिखर सम्मेलनमा सहभागी हुन मंगलबार उनी थाइल्याण्ड प्रस्थान गरेका हुन्। ६५ वर्षपछि नेपालको कार्यकारी प्रमुखको थाइल्याण्डको औपचारिक भ्रमण हुन लागेको हो। थाइल्याण्ड भ्रमणमा दुईवटा समझदारीपत्रमा हस्ताक्षर हुने तयारी छ। भ्रमणमा प्रधानमन्त्री ओलीसँगै प्रथम महिला राधिका शाक्य, परराष्ट्रमन्त्री डा. आरजु राणा देउवा, प्रधानमन्त्रीका मुख्य सल्लाहकार विष्णुप्रसाद रिमाल, आर्थिक विकास सल्लाहकार डा.युवराज खतिवडा, नेपाल सरकारका मुख्यसचिव एकनारायण अर्याल छन्।

बिएल संवाददाता - काठमाडौं

ओली सरकारको कामप्रति कांग्रेस असन्तुष्ट, के भन्छन् रामहरि?

खतिवडाले अध्यक्ष केपी शर्मा ओली नेतृत्वको सरकारको कामबाट आफूहरू सन्तुष्ट हुन नसकेको बताएका हुन्। उनले सरकारको गियर बदल्नुपर्ने बेला आएको बताए। उनले तीनकुने घटनाको बारेमा निष्पक्ष छानबिनको पनि माग गरेका छन्। उनले भने, ‘अहिले जनआक्रोश बढेको देखिन्छ। तीनकुनेमा पनि देखियो। त्यो घटनाको निष्पक्ष छानबिन हुनुपर्छ। निराशा र कुण्ठित अभिव्यक्तिले मात्रै मुलुक बन्दैन। अहिले सरकार जसरी चलेको छ त्यसले कसैको चित्त बुझेको छैन। गियर परिवर्तन गर्नुपर्छ।’

बिएल संवाददाता - काठमाडौं

निर्मल निवासले भन्यो- दूर्गा प्रसाईं कमाण्डर होइनन्, प्रदर्शनमा दरबारको कुनै संलग्नता छैन

पूर्वराजा ज्ञानेन्द्र शाहको सचिवालयले चैत १५ गतेको प्रदर्शनमा निर्मल निवासको कुनै संलग्नता नरहेको दाबी गरेको छ। तीनकुने घटनापछि निर्मल निवासको कुनै प्रतिक्रिया नआएको भन्दै व्यापक आलोचना भइरहेका बेला निर्मल निवासले मुख खोलेको छ। पूर्वराजाका संवाद सचिव फणिराज पाठकले बीएल नेपाली सेवासँग कुराकानी गर्दै १५ गतेको आन्दोलनमा निर्मल निवासको कुनै संलग्नता नरहेको स्पष्ट पारेका छन्। तीनकुनेको आन्दोलन हिंसात्मक बनेपछि ठूलो धनजनको क्षति भएको थियो। उक्त घटनापछि १०० भन्दा बढी राजावादी कार्यकर्ताहरू पक्राउ परेका छन्। भने राजावादी आन्दोलनका कमाण्डर दुर्गा प्रसाईं फरार छन्। उनले पूर्वराजाले कसैलाई पनि कमाण्डर नतोकेको र प्रदर्शनको आह्वान पनि नगरेको दाबी गरे। प्रदर्शनको अघिल्लो दिन पूर्वराजासँग प्रसाईंले भेटवार्ता गरेपछि राजावादी मोर्चाले उनलाई आन्दोलनको कमाण्डर तोकेको थियो। तर, पूर्वराजाको सचिवालयले भने आन्दोलनमा निर्मल निवासको संलग्नताबारे गरिएका दाबीहरू खारेज गरेको छ।

बिएल संवाददाता - काठमाडौं

संघीय संसदको दुवै सदनको अधिवेशन अन्त्य

संघीय संसदको दुवै सदनको चालु अधिवेशन अन्त्य भएको छ। राष्ट्रपति रामचन्द्र पौडेलले संघीय संसदको दुवै सदनको चालू अधिवेशन आज (मंगलबार) राति १२ बजेबाट लागू हुने गरी अन्त्य गरेका हुन्। सरकारको सिफारिसमा राष्ट्रपति पौडेलले नेपालको संविधानको धारा ९३ को उपधारा (२) बमोजिम आज (चैत १९ गते) राति १२ बजेदेखि लागु हुने गरी चालु अधिवेशन अन्त्य गरेको राष्ट्रपतिको कार्यालयकी प्रवक्ता शैलजा रेग्मी भट्टराईले बताइन्।

बिएल संवाददाता - काठमाडौं

कुलमान र हितेन्द्रको मुद्दा न्यायाधीशद्वय चुडाल र पाण्डेयको इजलासमा

विद्युत प्राधिकरणका कार्यकारी निर्देशक नियुक्तिसम्बन्धी विवादको रिट न्यायाधीशद्वय कुमार चुडाल र नित्यानन्द पाण्डेयको संयुक्त इजलासमा परेको छ। प्राधिकरणका निवर्तमान कार्यकारी निर्देशक कुलमान घिसिङ र नवनियुक्त कार्यकारी निर्देशक हितेन्द्रदेव शाक्यले छुट्टाछुट्टै दायर गरेको रिटमा आज पेशी तोकिएको हो। गत आइतबार पनि दुवै रिट एकैपटक हेर्नेगरी प्रधानन्यायाधीश प्रकाशमानसिंह राउत र न्यायाधीश शारङ्गा सुवेदीको इजलासमा पेसी तोकिएको थियो तर हेर्न नमिल्नेमा परेपछि पेसी सरेको हो।

बिएल संवाददाता - काठमाडौं

रविले भेटे सभामुख, निलम्बन फुकुवा गरिदिन आग्रह

गत पुसमा उनीविरुद्ध सहकारी ठगीमा मुद्दा दर्ता भएपछि उनको सांसद पनि निलम्बन भएको थियो।

बिएल संवाददाता - काठमाडाैं

म्यानमार भूकम्प : नेपालले राहत र सेनाकाे टाेली पठाउँदै

अन्तर्राष्ट्रिय सञ्चारमाध्यमहरूका अनुसार अहिलेसम्म त्यहाँ कम्तीमा १७०० भन्दा धेरै मानिस मृत फेला परिसकेका छन्। यो भूकम्पमा परेर १७ जना नेपालीभाषीको पनि मृत्यु भएको छ। भूकम्पले म्यानमारको छिमेकी थाइल्याण्डमा पनि क्षति गरेको छ।

बिएल संवाददाता - काठमाडाैं

पार्टीको ‘जिम्मेवारी’ सम्हालेपछि सभामुख भेट्दै रवि

विभिन्न जिल्लामा दर्ता भएका चार सहकारी ठगीका मुद्दाहरूमा अदालतले उनलाई धरौटीमा रिहा गरेको छ। रिहा भएपछि पहिलोपटक उनले औपचारिकरुपमा सार्वजनिक अभिव्यक्ति दिएका हुन्। योसँगै उनी अब फेरि पार्टीको नेतृत्व लिएर जिम्मेवारीमा फर्किएका छन्।

बिएल संवाददाता - काठमाडाैं

त्रिचन्द्र आज स्ववियु चुनाव हुँदै

विद्यार्थी राजनीतिबाटै धेरै राजनीतिक पार्टीका नेताहरू जन्माएको यो क्याम्पस देशकै पुरानो क्याम्पस हो।

बिएल संवाददाता - काठमाडाैं

थाइल्याण्ड जाँदै प्रधानमन्त्री, त्यहाँका ‘राजा’लाई भेट्ने, माेदीसँग अनिश्चित

प्रधानमन्त्री केपी शर्मा ओली मंगलबार दिउँसो थाइल्याण्डको औपचारिक भ्रमण जाँदैछन्। थाइल्याण्डसँगकाे कुटनीतिक सम्बन्ध गाँसिएकाे लगभग ६५ वर्षपछि पहिलाेपटक नेपाली प्रधानमन्त्रीकाे याे औपचारिक भ्रमण हाे।

बिएल संवाददाता - काठमाडाैं

एनआरएनए महाधसवेशन : उम्मेदवारी शुल्क सात लाख!

समितिको बैठकले अध्यक्ष पदको उम्मेदवार बन्नका लागि रु ७ लाख रुपैयाँ मनोनयन शुल्क तोकेको छ। यसैगरी उपाध्यक्ष पदका लागि ५ लाख रुपैयाँ तय गरिएको छ भने महासचिवको उम्मेदवार बन्न ४ लाख रुपैयाँ मनोनयन शुल्क तिर्नु पर्नेछ।

बिएल संवाददाता - काठमाडाैं

प्रतिनिधि सभा बैठक आज बस्दै, यी हुन् कार्यसूची

संघीय संसद् अन्तर्गत् प्रतिनिधि सभा बैठक मंगलबार बस्दैछ। बिहान ११ बजे संसद् भवन नयाँ बानेश्वरमा बस्ने बैठकमा प्रधानमन्त्री केपी शर्मा ओलीले राष्ट्रिय समावेशी आयोग र मुस्लिम आयोगको छैठौं वार्षिक प्रतिवेदन पेस गर्ने कार्यसूची छ।

बिएल संवाददाता - काठमाडौँ

त्रिवि केन्द्रीय क्याम्पसमा नेविसंघले मार्‍यो बाजी

त्रिभुवन विश्वविद्यालय केन्द्रीय क्याम्पसको स्ववियु सभापतिमा नेपाल विद्यार्थी संघका दीपक राज जोशी निर्वाचित भएका छन्। सोमबार इलेक्ट्रोनिक भोटिङ मेसिनबाट भएको मतदानको नतिजा सोमबार नै सार्वजनिक भएको हो। जोशीले ७ सय ८९ मत पाउँदा उनका निकटतम प्रतिस्पर्धी अनेरास्ववियुका सिद्धान्त भट्टले ७ सय ८१ मत प्राप्त गरे। जोशीले भट्टलाई जम्मा ८ मतले मात्र पछि पार्दै सभापतिमा बाजी मारेका हुन्।

बिएल संवाददाता - काठमाडौं

राजतन्त्रविरुद्ध एमाले रौतहटको मोटरसाइकल र्‍याली

नेकपा एमाले रौतहटले संविधान र गणतन्त्रको पक्षमा मोटरसाइकल र्‍याली निकालेको छ। गरुडाको सुगर मिलबाट सोमबार दिउँसो निस्केको र्‍याली राजमार्ग हुँदै गौर पुगेको थियो। चन्द्रनिगाहपुरसहित विभिन्न स्थानबाट निस्केको मोटरसाइकल र्‍याली पनि गरुडामा आइपुगेको थियो। जिल्लाभरीका नेता तथा कार्यकर्ताको उपस्तिथिमा एमाले रौतहटले मोटरसाइकल र्‍याली निकालेको हो। देशव्यापी कार्यक्रम अनुसार लोकतन्त्रको पक्षमा एमालेले र्‍याली निकालेको नेकपा एमाले रौतहटका जिल्ला अध्यक्ष सचिदानन्द साहले बताए। उनका अनुसार काठमाडौंको तिनकुनेमा राजावादीले गरेका घटनाको विरोध गरिएको छ। राजावादीहरूले आराजक गतिविधि गरेको टिप्पणी गर्दै उनले संविधान र गणतन्त्र विरोधी कार्यको सैह्य नहुने बताए।

बिएल संवाददाता - रौतहट

कमब्याकपछि रवि भन्छन्ः गणतन्त्र ओली-देउवा तन्त्र होईन, जनतन्त्र हो

राष्ट्रिय स्वतन्त्र पार्टीका सभापति रवि लामिछानेले गणतन्त्र भनेको ओली तन्त्र र देउवा तन्त्र नभएको टिप्पणी गरेका छन्। सोमबार केन्द्रीय समितिको बैठकको दोस्रो बैठकलाई सम्बोधन गर्दै उनले गणतन्त्र भनेको जनताको तन्त्र भएको भन्दै गणतन्त्रमा सुधार आवश्यक रहेको बताए। उनले भने, ‘नख्खुमा बाढी पहिरोको चपेटामा परेका चार नागरिक बचाउन भिजिबिलिटी नपुगेको गृह मन्त्रालय र अस्ति तीनकुनेमा ४ हजारलाई सम्हाल्न नसकेको सरकारले सबै शक्ति केवल हामीमा गरिने प्रहारमा प्रयोग गरिरहेको छ। यो गठबन्धनले अब अर्को प्रहार गर्न सक्छ। तसर्थ अहिलेको पार्टी संरचना अझै सबल र सशक्त हुन आवश्यक छ। अब पार्टीको संरचनामा काम गरौं, गणतन्त्र भनेको ओली तन्त्र र देउवा तन्त्र हैन। गणतन्त्र भनेको जनताको तन्त्र हो र त्यो झन्डा हामीले बोक्छौं। गणतन्त्रमा पनि सुधार आवश्यक छ।’

बिएल संवाददाता - काठमाडौं

तीनकुनेमा जलाइएका पत्रकार रजकका परिवारसँग प्रधानमन्त्रीको भेट

प्रधानमन्त्री केपी शर्मा ओलीले यही चैत १५ गतेको तीनकुने घटनामा मारिएका पत्रकार सुरेश रजकका परिवारसँग भेट गरेका छन्। प्रधानमन्त्री निवास बालुवाटारमा भएको भेटमा प्रधानमन्त्री राजावादीले गरेको आगलागीका कारण अकालमा ज्यान गुमाउन पुगेका पत्रकार रजकप्रति श्रद्धाञ्जली व्यक्त गर्दै परिवारमा समवेदना व्यक्त गरेका हुन्। प्रधानमन्त्री ओलीले उक्त दुःखद् घटनाको छानबिन गरी दोषीमाथि कडा कारवाही गरिने प्रक्रिया सुरु भएको बताए।

बिएल संवाददाता - काठमाडौं

तीनकुनेको घटना राजनीतिक घटना मात्र होइन घटनाक्रम हो, गम्भीरतापूर्वक लिनुपर्छः रास्वपा

राष्ट्रिय स्वतन्त्र पार्टीका सांसद मनिष झाले चैत्र १५ गतेको घटना राजनीतिक घटना मात्र नभई राजनीतिक घटनाक्रम भएको दाबी गरेका छन्। सोमबार संसद बाहिर सञ्चारकर्मीसँग कुराकानी गर्दै उनले शुक्रबारको घटनाक्रमबाट धेरै कुराको सुरुवात पनि हुन सक्ने भन्दै यसलाई गम्भीरतापूर्वक लिएर त्यहीअनुसार समाधान गर्न अनुरोध गरेका छन्। उनले भने, ‘प्रधानमन्त्रीले १०, १५ हजार आउदै-जादै गर्छन् भन्दैगर्दा अस्ति ४ हजार पनि सम्हाल्न सक्नुभएन। यो एउटा हामीले बुझ्नुपर्ने, राजनीतिक घटना र घटनाक्रम फरक कुरा हो। अस्तिको घटना मात्र होइन्, घटनाक्रम हो त्यसबाट धेरै कुराको सुरुवात पनि हुन सक्छ। त्यसैले यसलाई गम्भीरता पूर्वक लिएर त्यही अनुसार समाधान गर्न अनुरोध गर्दछौ।’

बिएल संवाददाता - काठमाडौं