बिएल संवाददाता
नेकपा (एमाले) सुनसरीले इटहरी–१७ मा वडाअध्यक्ष प्रभातकुमार आचार्यलाई पार्टीबाट निष्कासन गरेको छ।
पार्टी निर्णय र नीति विपरीत कार्य गरेको भन्दै वडाध्यक्ष आचार्यलाई एमालेले पार्टीबाट हटाएको हो।
आचार्य एमाले जिल्ला कमिटी सदस्यसमेत हुन्। उनका छोरा आदित्य आचार्यले सुनसरी–२ बाट स्वतन्त्र उम्मेदवारी दिएका छन्। वडाध्यक्ष आचार्यले छोराका लागि मत मागेको र पार्टीकाविरुद्ध अभिव्यक्ति दिएको आरोप लाग्दै आएको छ।
उनी यसअघि निर्वाचनको समयमा तत्कालिन माओवादी छोडेर एमाले प्रवेश गरेका थिए।
पार्टीले जारी गरेको कारबाही पत्रमा उनलाई पटक-पटक सचेत रहन आग्रह गर्दा समेत अटेर गरेको र पार्टी नीति एवं नेतृत्वको विरुद्धमा गतिविधि जारी राखेको आरोप लगाएको छ।
१ .
२ .
३ .
४ .
५ .
प्रतिक्रिया