ती हातहतियार कहाँ र कसको नियन्त्रणमा छन् भन्ने यकीन भने छैन। तर संयुक्त राष्ट्रसंघ लगायत केही सुपरिवेक्षक संघसंस्थाहरूले ती हतियार तालिबानको नियन्त्रणमा रहेको र केही हतियार अलकायदाजस्ता विश्व आतंककारी संगठनसम्मै पुगेको जनाएका छन्।
बिएल संवाददाता - काठमाडाैं
राष्ट्रपति रामचन्द्र पौडेलले रामनवमी पर्वका अवसरमा स्वदेश तथा विदेशमा रहेका सम्पूर्ण नेपाली दिदीबहिनी तथा दाजुभाइहरूमा सुख, शान्ति एवं समृद्धिका लागि शुभकामना व्यक्त गरेका छन्।
बिएल संवाददाता - काठमाडौँ
नेकपा एमालेका महासचिव शंकर पोखरेलले रवि लामिछाने पक्राउ परेपछि प्रतिक्रिया दिएका छन्। उनले शनिबार सामाजिक सञ्जालमार्फत रवि गृहमन्त्री हुँदा पक्राउ पूर्जी काट्ने ‘रीति, थिति’ कस्तो थियो भन्ने सबैलाई जानकार रहेको र विशेषगरी रास्वपाका नेताहरूलाई थाहा नहुने कुरै नरहेको दाबी गरेका छन्। उनले जे भएपनि यस्तै बेला सुधारको खोजी हुनु स्वाभाविक रहेको पनि प्रतिक्रिया दिएका छन्। उनले भनेका छन्, ‘प्रहरीको पूर्जी काट्ने ‘रीति र थिति’ रविजी गृहमन्त्री हुँदाको अवस्थामा के थियो भन्ने रास्वपाका नेताहरूलाई थाहा नहुने कुरै भएन। तर पनि ‘सुधार’को खोजी यस्तै बेलामा हुने त हो नि!’
बिएल संवाददाता - काठमाडौं
आफ्ना सभापतिलाई उच्च अदालतले थुनामा पठाएपछि राष्ट्रिय स्वतन्त्र पार्टीले उच्चको आदेशविरुद्ध सर्वोच्च जाने तयारी गरेको छ। बुटवलको सुप्रिम सहकारी ठगी प्रकरणमा रूपन्देही जिल्ला अदालतबाट एक करोड धरौटीमा रिहा भएका लामिछानेलाई शुक्रबार उच्च अदालत तुलसीपुर, बुटवल इजलासले जिल्लाको आदेश बदर गर्दै थुनामा पठाउने आदेश गरेको थियो। अदालतको आदेशसँगै प्रहरीले शुक्रबार राति नै लामिछानेलाई काठमाडौंबाट पक्राउ गरी रुपन्देही लगिसकेको छ। लामिछानेलाई सोमबार अदालतमा हाजिर गराउने प्रहरीले तयारी गरेको छ। अदालतमा उपस्थित गराएपछि लामिछाने कारागार चलान हुनेछन्। त्यसपछि रास्वपाले सर्वोच्चको ढोका ढक्ढक्याउने तयारी गरेको उपसभापति डा.स्वर्णिम वाग्लेले बताए।
बिएल संवाददाता - चितवन
नेपाली कांग्रेसका महामन्त्री विश्वप्रकाश शर्माले पूर्वराजा ज्ञानेन्द्र शाहलाई ०८४ सालको निर्वाचनमा ‘श्रीपेच चुनाव चिह्न’ लिएर दुई तिहाइ जनमत ल्याएर राजतन्त्र फर्काउन चुनौती दिएका छन्। शनिबार झापाको मेचीनगर धुलाबारीमा पार्टीको क्षेत्रीय प्रशिक्षण कार्यक्रममा उनले चुनावबाट जनमत सावित गरेर चाहे जस्तो व्यवस्था ल्याउन पूर्वराजालाई चुनौती दिएका हुन्। उनले भने, ‘०८४ सालमा चुनाव हुँदैछ। यदि तपाईंलाई आफूसँग जनता छन् भन्ने लागेको छ भने ‘श्रीपेच चुनाव चिह्न’मा मत माग्नुहोस्। दुई तिहाइ ल्याएर जनता आफूसँग भएको देखाउनुहोस्, अनि संविधान संशोधन गरेर चाहेको व्यवस्था गर्नुहोस्, तर त्यसबाहेकका उपायद्वारा देशलाई अराजकतातिर लिने प्रयास स्वीकार्य हुँदैन।’
बिएल संवाददाता - झापा
राष्ट्रिय स्वतन्त्र पार्टी (रास्वपा)का उपसभापति स्वर्णिम वाग्लेले सभापति रवि लामिछानेलाई चितवनको कार्यक्रमा बोल्न नदिन रातारात पक्राउ गरिएको दाबी गरेका छन्। चितवनमा आयोजित जनयात्रा शुभारम्भ कार्यक्रमलाई सम्बोधन गर्दै उनले लामिछानेलाई दुनियाँकै ठूलो अपराधी जस्तो गरेर धरपकड गरेको आरोप लगाए। उनले लामिछानेविरुद्ध आएको हिजोको फैसला बहस सकिएको दुई घण्टामा लेखिसक्ने सम्भावना नरहेको दाबी गर्दै पहिले नै तानाबाना बुनिएको दाबी पनि गरे।
बिएल संवाददाता - काठमाडौं
पूर्वप्रधानमन्त्री तथा नेपाल समाजवादी पार्टी (नयाँ शक्ति)का अध्यक्ष डा. बाबुराम भट्टराईले अहिले देशमा राजतन्त्र ल्याउने ठाउँ नभएको बताएका छन्। शनिबार नेपाल समाजवादी पार्टी (नयाँ शक्ति)ले आयोजना गरेको अन्तर्क्रिया कार्यक्रममा बोल्दै भट्टराईले राष्ट्रपति प्रणालीगत र शासकीय सुधार, निर्वाचन प्रणालीमा सुधारहरू गर्न सकिने तर राजा आउने कुरा भ्रम मात्र भएको टिप्पणी गरेका हुन्। ‘राजतन्त्र ल्याउने ठाउँ नै छैन। धेरै जनाले नबुझी राजतन्त्र आउँछ भन्छन् तर त्यो संभव छैन। राष्ट्रपति प्रणालीगत र शासकीय सुधार, निर्वाचन प्रणालीमा सुधारलगायत क्षेत्रमा काम गर्न सकिन्छ। त्यसैले राजा आउँछ भनेर भ्रममा नपरौं।’
बिएल संवाददाता - काठमाडौं
नेपाली कांग्रेसका महामन्त्री गगन थापाले नेपालमा आईटीको सम्भावना धेरै भएपनि नेपाललाई सम्भावनाभन्दा बढी आवश्यकता रहेको बताएका छन्। शनिबार एनसेल बाह्रखरी गल्फको आठौं संस्करणको कार्यक्रममा बोल्दै उनले आईटीको आवश्यकता महशुस गरेर काम गर्नुपर्ने बताए। उनले भने, ‘नेपालमा आईटीको एकदमै धेरै प्रचुर सम्भावना छ। सम्भावना जति छ त्योभन्दा बढी आवश्यता छ। यो आवश्यकतालाई महशुस गरेनौं र समयमा जोड्न सकेनौं भने वा दुईचार वर्षपछि गर्छौं भन्यौं भने पछि पर्नेछौं। रेल छुटिसक्छ। अहिले नै गर्नुपर्नेछ। आजै हामीले काम गर्नुपर्नेछ।’ उनले नेपालको अर्थतन्त्रलाई बलियो बनाउन युवालाई भन्दा उत्पादनलाई बाहिर पठाएर विदेशी मुद्रा ल्याउनुपर्ने बताए।
बिएल संवाददाता - काठमाडौं
धानमन्त्री केपी शर्मा ओलीले विश्वमा ज्ञान फैलाउन नेपाली पूर्वज अगाडि रहेको बताएका छन्। शनिबार ‘एनसेल बाह्रखरी गल्फ तथा आर्थिक परिसंवाद’ कार्यक्रममा बोल्दै उनले कुनै समयमा हाम्रो समाजका पूर्वज हरेक कुरामा अगाडि भएकाले हामी चाँडो विकासका कुराहरू सिक्न सक्ने बताएका हुन्। उनले भने, ‘विश्वमा ज्ञान फैलाउन नेपाली पूर्वज सबैभन्दा अगाडि थिए। हाम्रो विकासलाई रोक्ने काम भएको थियो। हजुरबाका हजुरबाले त्यही गरे। हामीले पनि त्यही गर्नुपर्छ भन्ने भएपछि कसरी विकास हुन्छ?, तर पुर्खाको जिन हामीसँग छ। हामी चाँडो सिक्न सक्छौं। विकासका कुराहरूमा छिटो सिक्ने सामर्थ्य छ। नेपालीहरू आमरुपमा इमान्दार र परिश्रमिक छन भनेर दुनियाँले चिनेको छ अहिले।’ साथै उनले समाजमा नकारात्मक पक्षहरू पनि रहेको बताए। उनले हेर्ने, खोज्ने भनेको नकारात्मकता नभइ सकारात्मक भएको बताए।
बिएल संवाददाता - काठमाडौं
समाज कल्याण परिषदको स्वामित्व रहेको काठमाडौंको भृकुटीमण्डपस्थित भवन र जग्गा भोगचलन गरेबापत भाडा नतिर्ने ५१ संस्था र व्यक्तिको नाम सार्वजनिक भएको छ। समाज कल्याण परिषद्ले २०८१ चैत्र २१ गते दैनिक पत्रिकामा ३५ दिने सूचना जारी गर्दै ५१ संस्थाको सूची सार्वजनिक गरेको हो। सूचीमा नेपाल पर्यटन बोर्डदेखि चर्चित पत्रकार ऋषि धमलाको रिपोर्टर्स क्लबसम्म छन्। बोर्डको १ करोड ६७ लाख बढी वक्यौता छ भने रिपोर्टर्स क्लबको मात्रै ४६ लाख ५८ हजार ६४९ रूपैयाँ बक्यौता तिर्न बाँकी देखिन्छ। परिषदको भृकुटीमण्डप व्यवस्थाप विभागले ५१ संस्था/व्यक्ति/व्यवसायीहरूको सूचीमा नेपाल पत्रकार महासंघ काठमाडौं शाखादेखि काठमाडौं उपत्यका सार्वजनिक पुस्तकालयको नाम समेत छ।
बिएल संवाददाता - काठमाडौं
नेकपा (एमाले)का महासचिव शंकर पोखरेलले संविधान कार्यान्वयनसँग सम्बन्धित कानुनहरू छिटोभन्दा छिटो बनाउनुपर्छ भन्ने मान्यतामा दुवै पार्टीहरू प्रतिबद्ध रहेको बताएका छन्। शनिबार काठमाडौंमा आयोजित कार्यक्रममा उनले ऐनहरू बन्न नसक्दा धेरै समस्याहरू आइरहेको भन्दै दुई दल मिलेर बनेको सरकारले कानून बनाउने, संयन्त्र बनाएर सहमति जुटाउने र कामलाई अगाडि बढाउने प्रक्रिया पनि अवलम्बन गरेको बताए। उनले भने, ‘खासगरी पेशागत क्षेत्रलाई नयाँ संरचना अन्तर्गत व्यवस्थित गर्ने कुरामा एक प्रकारको अलमल भएको छ। निजामती ऐन बन्न नसक्दा, निजामती क्षेत्र अन्यौलताबाट गुज्रिरहेको छ। विद्यालय शिक्षा ऐन जारी हुन नसक्दा त्यस्तै प्रकारको समस्या शिक्षकहरूले भोगिरहनु परेको छ। तर अहिले दुइवटा दल मिलेर सरकार बनेपछि संविधान कार्यान्वयनसँग सम्बन्धित कानूनहरूका सन्दर्भमा छिटोभन्दा छिटो कानून बनाउनुपर्छ भन्ने मान्यतामा दुवै पार्टीहरू प्रतिबद्ध छन् र संयन्त्र बनाएर सहमती जुटाउने र कामलाई अगाडि बढाउने प्रक्रिया पनि अबलम्बन गरेको छ।’
बिएल संवाददाता - काठमाडौं
प्रधानमन्त्री केपी शर्मा ओलीले समय नमिलेकाले भारत भ्रमणमा जान नपाएको दाबी गर्दै समयले साथ दिए छिट्टै जाने बताएका छन्। शनिबार थाइल्याण्डको भ्रमणबाट स्वदेश फर्किएका ओलीले विमानस्थलमा सञ्चारकर्मीसँग कुराकानी गर्दै विविध कारणले भारत भ्रमण हुन नसकेपनि असम्भव भने नरहेको दाबी गरेका हुन्। ओलीले भने, ‘कहिले के काम परेको हुन्छ, कहिले के हुन्छ त्यस्तो कारणले मात्रै हो। यो बाहिर भारत भ्रमण अबरुद्ध भयो भनिएको छ, त्यस्तो होइन। काँडेतार लगाएको छ र कसैले? त्यस्तो हुँदैन, होइन।’ प्रधानमन्त्री ओलीले भारतीय समकक्षी नरेन्द्र मोदी सगरमाथा संवादमा नेपाल नआउने पनि जानकारी गराएका छन्। उनले समयले साथ दिए सगरमाथा संवादअघि नै आफ्नो भारत भ्रमण हुने दाबी गरे।
बिएल संवाददाता - काठमाडौं
प्रधानमन्त्री केपी शर्मा ओलीले तीनकुने घटनाको सरकारले निष्पक्ष छानबिन गर्ने बताएका छन्। शनिबार थाइल्यान्डको औपचारिक भ्रमणबाट फर्किएका ओलीले त्रिभुवन विमानस्थलमा सञ्चारकर्मीहरूसँग कुरा गर्दै सरकार छानबिनका लागि तयार रहेको तर न्यायीक छानबिन भने हुनपनि सक्ने र नहुनपनि सक्ने बताए। उनले भने, ‘सरकारले निष्पक्ष छानबिन गर्छ। तर, अहिले नै न्यायीक छानबिन नभनौं, हुनपनि सक्छ, नहुनपनि सक्छ। सबै कुरामा न्यायीक छानबिन नै चाहिन्छ भन्ने पनि छैन। त्यसमा पनि विचार गर्छौँ।’
बिएल संवाददाता - काठमाडौं
प्रधानमन्त्री केपी शर्मा ओलीले भारतीय समकक्षी नरेन्द्र मोदी सगरमाथा संवादमा नेपाल नआउने जानकारी गराएका छन्। शनिबार थाइल्यान्ड भ्रमण सकेर स्वदेश फर्किएपछि आयोजित पत्रकार सम्मेलनमा ओलीले यसबारे जानकारी गराएका हुन्। पत्रकार सम्मेलनमा ओलीले भने, ‘भारतका प्रधानमन्त्री नरेन्द्र मोदीसँग मेरो भेटघाट अत्यन्त सुमधुर वातावरण र हार्दिकताका साथ भयो। यस पटक सगरमाथा संवादमा मोदीजी आउन भ्याउनुहुन्न। किनभने सगरमाथा संवादकै बेला युरोपको कार्यक्रम तय भइसकेको रहेछ। युरोपमा कार्यक्रमहरू तय भइसकेकाले बदल्न सक्ने अवस्था छैन। तर भारतबाट सगरमाथा संवादका लागि राम्रै प्रतिनिधित्व हुने जानकारी मोदीले गराउनुभएको छ।’ उनले मोदीसँग भेट अत्यन्तै राम्रो र सुमधुर वातावरणमा भएको पनि बताए। उनले कुनै सानातिना छिमेकमा समस्या देखिए तत्काल एकआपसमा संवाद गरिहाल्ने र समस्याहरूलाई टुंग्याई हाल्ने अठोट गरेको समेत बताए।
बिएल संवाददाता - काठमाडौं
शुक्रबार राष्ट्रिय स्वतन्त्र पार्टीका सभापति रवि लामिछानेलाई पक्राउ गर्न उनको निवासमै पुगेका एक प्रहरी अधिकारीको हर्कतको यतिबेला व्यापक विरोध भइरहेको छ। रविलाई पक्राउ गर्ने टोलीको नेतृत्व गरेर पुगेका डीएसपी दीपक खड्काले सुरुमै उनको अन्तिम इच्छा सोधेपछि उनको आलोचना भइरहेको छ। उनको हर्कतको रास्वपा नेताहरूले ठाउँको ठाउँ प्रतिवाद गरेपछि उनले आफ्नो भनाइ सच्याएका थिए। शुक्रबार उच्च अदालत तुलसीपुरको बुटवल इजलासले जिल्ला अदालत रुपन्देहीको धरौटीमा छाड्ने आदेश खरेज गर्दै लामिछानेलाई थुनामा पठाउने आदेश दिएलगत्तै प्रहरी टोली लामिछानेलाई पक्राउ गर्न काठमाडौंको हात्तिगौडास्थित उनको निवास गएको थियो।
बिएल संवाददाता - काठमाडौं
प्रधानमन्त्री केपी शर्मा ओली थाइल्याण्डको औपचारिक भ्रमण र बिमस्टेकको छैटौं शिखर सम्मेलनमा भाग लिएर स्वदेश फर्किएका छन्। प्रधानमन्त्रीको टोली केही बेरअघि त्रिभुवन अन्तर्राष्ट्रिय विमानस्थल ओर्लिएको हो। ओलीलाई बैंककस्थित सुवर्णभूमि अन्तर्राष्ट्रिय विमानस्थलको अतिविशिष्ट कक्षबाट थाइल्याण्डका उपप्रधानमन्त्री एवं यातायातमन्त्री सुरिया जङ्ग्राउनग्रेङकिटले बिदाइ गरेका थिए।
बिएल संवाददाता - काठमाडौं
सहकारी ठगी प्रकरणमा काठमाडौंबाट पक्राउ परेका राष्ट्रिय स्वतन्त्र पार्टीका सभापति रवि लामिछानेलाई भैरहवा ल्याइएको छ। आइतबार बिहान उनलाई यति एयरको विमानमार्फत भैरहवा ल्याइएको हो। जिल्ला अदालत रुपन्देहीको १ करोड धरौटीमा छोड्ने फैसला उच्च अदालत तुलसीपुर बुटवल इजलासले खारेज गरेपछि लामिछाने शुक्रबार काठमाडौंस्थित निवासबाटै पक्राउ परेका थिए। गोर्खा मिडिया नेटवर्कका तत्कालिन पूर्वप्रबन्ध निर्देशक रहेका लामिछानेलाई सहकारीको रकम गोर्खा मिडियामा लगेर दुरुपयोग गरेको अभियोग छ।
बिएल संवाददाता - काठमाडौं
उनले यो कम्पनीको स्वामित्व गैर चिनियाँ नागरिकलाई बेच्नका लागि चीनलाई पटक पटक चेतावनी दिइसकेका छन्। यो कम्पनीको स्वामित्व गैर चिनियाँलाई बेचेमा उनले चीनमाथि लगाउँदै आएको कर घटनाइदिने प्रस्ताव पनि गरेका छन्।
बिएल संवाददाता - काठमाडाैं
राष्ट्रिय स्वतन्त्र पार्टी (रास्वपा) का सभापति रवि लामिछानेलाई आज भैरहवा लगिदैछ।
बिएल संवाददाता - काठमाडौँ
राष्ट्रिय स्वतन्त्र पार्टी (रास्वपा)को कार्यवाहकको जिम्मेवारी उपसभापति डोलप्रसाद (डीपी) अर्यालले पाएका छन्। उच्च अदालतको आदेशसँगै पार्टी सभापति लामिछाने शुक्रबार राति पक्राउ परेपछि अर्यालले कार्यवाहक सभापतिको जिम्मेदवारी पाएका हुन्।
बिएल संवाददाता - काठमाडौँ
१ .
२ .
३ .
४ .
५ .
