भक्तपुर जिल्लाको सुर्यविनायक नगरपालिका–८ भुम्डोलबाट इन्सास राईफलसहित एक जना पक्राउ परेका छन्।

सशस्त्र प्रहरी बल नेपाल ईन्टेलिजेन्स व्यूरोको विशेष टोलीले फागुन १९ गते गोरखा जिल्ला पालुङटार नगरपालिका–९ घर भइ हाल भक्तपुरको भुम्डोल बस्ने ३१ वर्षिय आयन सेढाईंलाई हतियारसहित पक्राउ गरेको सशस्त्र प्रवक्ता सशस्त्र प्रहरी नायब महानिरीक्षक बिष्णुप्रसाद भट्टले बताए।

एपीएफले सेढाईंको कोठाबाट राईफलसहित एसएलआरको गोली ४ वटा, प्लाष्टिक राउण्ड २ वटा, सर्ट गनमा लाग्ने राउण्ड १ वटा, खुकुरी एक थान तथा सोको दाप २ थान, बन्चरो १ र सिरिन्ज ५ वटा सहित नियन्त्रणमा लिएको हो।

पक्राउ परेका सेढाईंलाई आवश्यक कारवाहीको लागि एपीएफले नेपाल प्रहरीलाई बुझाइएको छ। उक्त राईफल तथा हतियारमा लाग्ने गोली गत भाद्र २३/२४ को आन्दोलनमा लुटिएको आशंका गरिएको छ।