बिएल संवाददाता
काठमाडाैं
राष्ट्रिय स्वतन्त्र पार्टी (रास्वपा)का सभापति रवि लामिछानेले राज्यका निकायहरुलाई स्वतन्त्रतापूर्वक काम गर्न दिने सर्वदलीय सहमति गरेकाे दिन देश बन्ने बताएका छन्।
संविधानले परिकल्पना गरेकाे समाजका लागि आवश्यक कानुन बनाउन सिंगाे संसदले सर्वदलीय प्रतिबद्धता आवश्यक रहेका उनकाे भनाइ छ। ‘त्यसपछि मिडिया/सोसल मिडियामा कसैलाई फसाउन वा बचाउन कोही दिन-रात नाङ्गो भइरहनु पर्दैन’, उनले भने।
उनले व्यवस्थाका केही ‘हाइज्याकर’हरुलाई चुनावबाट हराउन आँट गरेमात्र पुग्ने दाबी गरे। ‘स्वाद र सुविधाअनुसार गलत ज्ञान पेलेको पेल्यै, पेलेको पेल्यै, पेलेको पेल्यै पनि नगरौँ, देश बन्छ’, उनले उल्लेख गरेका छन्।
