नेकपा एमालेका महासचिव शंकर पोखरेलले नेपाल युद्धस्थलका रुपमा पयोग हुन सक्ने खतरा बढेको बताएका छन्। गृह जिल्ला दाङ आएका महासचिव पोखरेलले प्रेस चौतारी दाङले आयोजना गरेको पत्रकार भेटघाट कार्यक्रममा यस्तो बताएका हुन्। 

राज्य र सरकार कमजोर हुँदा बाह्य चलखेल र हस्तक्षेप बढेको बताउँदै उनले भने, ‘एसियाभित्र द्वन्द्व सिर्जना गर्ने र दुई ठूला राज्य लडाउने भूमि नेपाल बन्ने खतारा छ।’ 

गठबन्धन सरकार विकास र समृद्धिका दृष्टिले इतिहासकै असफल रहेको रहेको उनको भनाइ छ। ‘राज्यको गलत नीतिले मुलुक असफल बन्दै छ। तस्करी बढ्यो। मौद्रिक तरलता उत्पन्न छ। व्यवसाय धरापमा छन्। लगानीको वातावरण छैन,’ उनले भने। 

पोखरेलले भारतीय राजदुतावासले २० करोडसम्मको बजेट आफै खर्च गर्न पाउने भन्ने सहमति देशहीत बिपरित रहेको बताए।