बिएल संवाददाता
काठमाडौँ
नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले आगामी उपनिर्वाचन र २०८४ को निर्वाचनमा आफ्नो पार्टीले कुनै पनि दलसँग गठबन्धन नगरेर चुनाव लड्ने बताएका छन्। नेकपा माओवादी केन्द्र दोलखा–काठमाडौं सम्पर्क समन्वय समितिले शनिबार आयोजना गरेको भेटघाट तथा अन्तक्रियालाई सम्बोधन गर्दै उनले यस्तो बताएका हुन्।
उनले स्थानीय, प्रदेश र संघको सबै तहमा एक्लै उम्मेदवारी दिएर प्रतिस्पर्धा गर्ने बताए। विगतमा कहिले कांग्रेस र कहिले एमालेसँग गठबन्धन गरेर चुनाव लड्दा माओवादीको पहिचान नै कमजोर हुन पुगेको उल्लेख गर्दै अब गठबन्धन नगर्ने बताए।
देशब्यापीरुपमा एकल प्रतिस्पर्धामा जानेगरी पार्टीले तयारी थालेको उनको प्रचण्डको भनाइ छ।
