बिएल संवाददाता
काठमाडाैं
संक्रमणकालीन न्याय (टिआरसी) सम्बन्धित गठित कार्यदलको बैठक जारी छ। सिंहदरबारस्थित गृह मन्त्रालयमा बैठक बिहान साढे ८ बजेदेखि चलिरहेकाे छ।
कार्यदलमा नेपाली कांग्रेसबाट गृहमन्त्री रमेश लेखक, एमालेबाट मुख्य सचेतक महेश बर्तौला र माओवादी केन्द्रबाट उपमहासचिव जर्नादन शर्मा रहेका छन्।
कार्यदलमा अहिलेसम्म भएका छलफलको मस्यौदा तयार परेर त्यसमाथि छलफल केन्द्रित गर्ने गरी गत सोमबारको बैठक सकिएको थियो।
कार्यदलले पीडितमैत्री, सर्वोच्चको फैसला र अन्तर्राष्ट्रिय कानूनलाई आधार बनाएर विधेयकमा सहमति जुटाउने प्रयास गरिरहेको छ। कार्यदलले सहमति गरेपछि सो प्रतिवेदन शिर्ष नेताहरुलाई बुझाउने बताइएको छ।
भिडियाे:
