बिएल संवाददाता
काठमाडाैँ
नवनियुक्त प्रधानमन्त्री केपी शर्मा ओलीले आज शपथ लिएसँगै मन्त्रिपरिषद् गठन गर्ने सोच बनाएका छन्।
नेपाली कांग्रेसका सभापति शेरबहादुर देउवासँग ‘नयाँ सत्ता सहकार्य’ गरेका ओलीले एमालेको तर्फबाट आठ वटा मन्त्रालय पाएका छन्।
अर्थसहित रक्षा, भौतिक पूर्वाधार तथा यातायात, संघीय मामिला तथा सामान्य प्रशासन, उद्योग वाणिज्य तथा आपूर्ति, भूमि–व्यवस्था तथा सहकारी, शिक्षा र सञ्चार मन्त्रालय पाएको छ।
एमाले स्रोतकाअनुसार आइतबार साँझ शीर्ष नेताहरूले मन्त्रीहरूको नाम टुंगो लगाएका छन्।
त्यस्तै, नवनियुक्त प्रधानमन्त्री ओलीले खल्तीमा राखेको ‘मन्त्रीको सूची’मा धनुषा–३ बाट निर्वाचित जुलीकुमारी महतोको पनि नाम छ।
यसअघि ‘प्रचण्ड नेतृत्वको सरकार’मा जुलीका पति रघुवीर महासेठ भौतिक पूर्वाधार तथा यातायात मन्त्री थिए। रघु सिंहदरबारबाट बाहिरिएसँगै फेरि जुलीले प्रवेश पाएकी छिन्।
पतिपत्नी आलोपालो मन्त्री बन्ने नेताहरूको सूचीमा ‘रघु–जुली’ अग्रपंक्तिमा छन्।
