बिएल संवाददाता
काठमाडाैँ
नवनियुक्त प्रधानमन्त्री केपी शर्मा ओलीले आज शपथ लिएसँगै मन्त्रिपरिषद् गठन गर्ने सोच बनाएका छन्।
नेपाली कांग्रेसका सभापति शेरबहादुर देउवासँग ‘नयाँ सत्ता सहकार्य’ गरेका ओलीले एमालेको तर्फबाट आठ वटा मन्त्रालय पाएका छन्।
अर्थसहित रक्षा, भौतिक पूर्वाधार तथा यातायात, संघीय मामिला तथा सामान्य प्रशासन, उद्योग वाणिज्य तथा आपूर्ति, भूमि–व्यवस्था तथा सहकारी, शिक्षा र सञ्चार मन्त्रालय पाएको छ।
एमाले स्रोतकाअनुसार आइतबार साँझ शीर्ष नेताहरूले मन्त्रीहरूको नाम टुंगो लगाएका छन्।
त्यस्तै, कृष्णगोपाल श्रेष्ठ शिक्षामन्त्री बन्ने भएका छन्। काठमाडौँ–९ बाट निर्वाचित उनी शपथ ग्रहणको बेलासम्म जिम्मेवारी हेरफेर हुनसक्ने बताउँछन्।
