बिएल संवाददाता
काठमाडौं
नेकपा एकीकृत समाजवादी पार्टीका अध्यक्ष माधवकुमार नेपालले अहिले प्रतिगामी शक्तिहरूले टाउकाे उठाइरहेकाे बताएका छन्।
ललितपुरमा बुधबारदेखि सुरू केन्द्रीय कमिटीको सातौँ बैठकलाई सम्बोधनका गर्दै उनले संविधानमाथि फेरि आक्रमण भइरहेकाे सन्दर्भमा गम्भीर बन्नुपर्ने परिस्थितिमा पुगेकाे बताए।
‘याे संविधानमाथि फेरि आक्रमण भइरहेकाे सन्दर्भमा गम्भीर बन्नुपर्ने परिस्थितिमा पुगेका छाैँ। अहिले प्रतिगामीहरूले टाउको उठाइरहेका छन्। विभिन्नका देशविदेशका शक्तिहरूले याे देशमा षड्यन्त्रका तानाबाना बुनिरहेका छन्’, उनले भने।
आज बसेकाे समाजवादी मोर्चाको बैठकमा नेपालको राजनीति अवस्थाकाे बारेमा गम्भीर छलफल चलेकाे बताए।
उनले भने, ‘आज बिहान समाजवादी मोर्चाको बैठक बसेकाे थियाे। त्यहाँ गम्भीर छलफल चलिरहेकाे छ। छलफलमा अहिले नेपालको राजनीति कुन अवस्थाबाट गुज्रिँदैछ। अहिले हाम्रो देशको स्वाधिनता, स्वतन्त्रतामाथि आक्रमण भइरहेको छ कि छैन। यी सबै कुरामा हामीहरू व्यापक छलफल गरौँ। कसरी हुन सक्छ नेपालकाे कम्युनिस्ट आन्दाेलनलाई जाेगाउने, बचाउने, लाेकप्रिय बनाउने काम गर्न सकिन्छ, त्यसमा हामी गम्भीर भएर साेचाेँ। यस कुरामा माओवादी, जनता समाजवादी, एकीकृत समाजवादी, विप्लव पनि सहमत छन्।’
