प्रधानमन्त्री पुष्पकमल दाहाल प्रचण्डले कुनै पनि मन्त्रीहरूलाई ‘असफल’ हुने छुट नहुने भन्दै काम गर्न नसके राजीनामा दिन भनेका छन्।

‘हामीलाई असफल हुने छुट छैन। कार्यसम्पादनमा हामी असफल भइसकेका छौँ’, उनले भने, ‘यो कुनै अर्ती र उपदेश दिएको होइन। यो मैले आफैँसँग गरेको बाचा पनि हो।’

उनले कार्यक्षमतामा असफल भए आफूले पनि ठाउँ ओगटेर नबस्ने घोषणा पनि गरे।

‘कार्यक्षमता प्रमाणित गर्न सकेनौँ भने कसैले पनि ठाउँ ओगटिरहन जरुरी छैन। छोडिदिए हुन्छ’, उनले भने, ’देशका लागि आशा जगाउने काम गर्न सकिनँ भने मैले पनि त्यो ठाउँ छोड्नैपर्छ।’