दलका बैठक र कार्यक्रमका लागि पटक–पटक संसद् स्थगित गरिँदै आएको छ। यस्तो परिपाटीले कानुन निर्माण नै ठप्पप्रायः छ। प्रतिनिधिसभाको १८० दिनको बर्खे अधिवेशनमा ६२ बैठक मात्रै बसे, कानुन जम्मा एउटा मात्रै बन्यो।

कानुन निर्माणको अभिभारा बोकेको सार्वभौम संसद् दलहरूको अनुकूलतामा चल्दै आएको छ। दलहरूले चाहनेबित्तिकै संसद् बैठक स्थगित गरिने परिपाटीले कानुन निर्माण नै ठप्पप्रायः बनेको छ। परिणामतः प्रतिनिधिसभाको १८० दिनको बर्खे अधिवेशनमा ६२ दिन मात्रै बैठक बस्दा बजेट पारितबाहेक मिटरब्याजसम्बन्धी एउटा मात्रै कानुन बनेको छ।