सुन तस्करी सम्बन्धी चाँचबुझ आयोगले ६ महीना लामो छानबिनपछि चैत १ मा सरकारलाई बुझाएको प्रतिवेदनमा धेरै नयाँ तथ्य छैनन्, सिवाय अनुसन्धानमा हेलचेक्र्याइँ गर्ने प्रहरी अधिकृतहरूलाई कारबाहीको सिफारिश।

सुन तस्करीको अनुसन्धानमा भएका हेलचेक्र्याइँ, सत्ता र शक्तिमा भएका प्रभावशाली व्यक्तिलाई जोगाइएको विषयमा यसअघि नै सञ्चार माध्यमले उधिनेका थिए। उच्च अदालतका पूर्व न्यायाधीश डिल्लीराज आचार्यको नेतृत्वमा गठित आयोगले नयाँ तथ्य नभेटाए पनि सत्ता र शक्तिमा आसीन नेता, प्रहरी र प्रशासकले कसरी तस्कर गिरोहलाई हुर्काउँदा रहेछन् भन्ने उजागर गरिदिएको छ।