‘प्रहरी कस्तो छ भनेर हामीले लुकाउनुपर्ने केही छैन। ती पक्ष लुकाएर वा दबाएर प्रहरीमा सुधार हुन्छ भन्नेतर्फ म विश्वास पनि गर्दिनँ’ उनले भनेका छन् ‘प्रहरीभित्र सुधार ल्याउन साइत कुरेर बस्न पनि जरूरी छैन। सुधारको प्रारम्भ कोही र कसैबाट होइन म भित्रैबाट नै आवश्यक छ भन्ने स्वीकार गरी अघि बढ्नुको विकल्प छैन।’
बिएल संवाददाता - काठमाडौं
गोलभेँडा ठूलो (नेपाली) प्रतिकिलो रु २५, गोलभेँडा ठूलो (भारतीय) प्रतिकिलो रु ५०, गोलभेँडा सानो (तराई) प्रतिकिलो रु २५, आलु रातो प्रतिकिलो रु ३५, आलु रातो (भारतीय) प्रतिकिलो रु ३४, प्याज सुकेको (भारतीय) प्रतिकिलो रु ५५, गाजर (लोकल) प्रतिकिलो रु ४०, गाजर (तराई) प्रतिकिलो रु २५, बन्दा (लोकल) प्रतिकिलो रु १५, बन्दा (नरिवल) प्रतिकिलो रु २०, काउली (स्थानीय) प्रतिकिलो रु २०, स्थानीय काउली (ज्यापु) प्रतिकिलो रु २५, मूला रातो प्रतिकिलो रु ४५, मूला सेतो (लोकल) प्रतिकिलो रु २५, सेतो मूला (हाइब्रिड) प्रतिकिलो रु ३०, भन्टा लाम्चो प्रतिकिलो रु ४५ तथा भन्टा डल्लो प्रतिकिलो रु ४५ कायम गरिएको छ।
बिएल संवाददाता - काठमाडाैं
केही दिनयता राजावादीहरूले देशब्यापीरुपमा आन्दोलन तीब्र पारिरहेका छन्। पूर्व राजा ज्ञानेन्द्र शाहले आफ्ना भरपर्दो मान्छे भन्दै पुराना पञ्च नवराज सुवेदीलाई अघि सारेपछि अहिले राजावादीहरू भने आपसमै विभाजित भएका छन्।
बिएल संवाददाता - काठमाडौं
क्याम्पसमा तालाबन्दी भएपछि त्रिचन्द्र बहुमुखी क्याम्पसको स्वतन्त्र विद्यार्थी युनियन (स्ववियु) निर्वाचन स्थगित भएको छ। देशकै पुरानो यो क्याम्पस राजनीतिक नेताहरू उत्पादनको थलो पनि मानिन्छ र त्रिभुवन विश्वविद्यालयअन्तर्गतको यो एक प्रमुख क्याम्पस पनि हो
बिएल संवाददाता - काठमाडौं
गत जनवरी १९ मा भएको युद्धबिराम यता इजरायले गरेको यो सबैभन्दा ठूलो आक्रमण हो। पहिलो चरणको युद्धबिराम मार्च १ मा समाप्त भएको थियो। र दोस्रो चरणको युद्धबिरामको प्रयास भइरहँदा इजरायलले हमास नियन्त्रित गाजा क्षेत्रमा आक्रमण गरेको हो।
बिएल संवाददाता - काठमाडौं
यसअघि उनले आफ्ना दूतलाई रुस पठाएका थिए। उनीहरूले त्यहाँ रुसका अधिकारीहरूसँग वार्ता गरेका थिए। त्योभन्दा अघि अमेरिकी अधिकारी र युक्रेनका अधिकारीबीच साउदी अरबमा भएको वार्तामा युक्रेन ३० दिनका लागि युद्ध बिराम गर्न तयार भएको थियो।
बिएल संवाददाता - काठमाडौं
.jpg)
हरेक दुई वर्षको अन्तरालमा हुनुपर्ने यस्तो निर्वाचन आन्तरिक विवादका कारण केही क्याम्पसमा भने १६ वर्षपछि मात्रै हुँदै छ । केही बाहेक त्रिविका आङ्गिक तथा सम्बन्धनप्राप्त क्याम्पसमा यसअघि २०७९ चैत ५ गते स्ववियु निर्वाचन भएको थियो । त्यसअघि भने २०६५ सालमा मात्रै निर्वाचन भएको थियो । देशभरि त्रिविको ६४ वटा अंगिक क्याम्पस र एक हजार ५३ वटा सम्बन्धन प्राप्त क्याम्पस छन् ।
बिएल संवाददाता - काठमाडौं
नेपाली कांग्रेसका सभापति शेरबहादुर देउवाले नेपाली कांग्रेस एक्लैले बहुमत ल्याउन सक्ने पार्टी बन्नुपर्ने बताएका छन्। सोमबार ललितपुरमा आयोजित नेपाली कांग्रेस र संघीयता कार्यान्वयनबारे अन्तर्क्रिया कार्यक्रममा उनले वर्तमान संविधान अनुसार कुनै पार्टीले पनि बहुमत ल्याउन नसकेको अवस्थामा नेपाली कांग्रेसलाई बहुमतको पार्टी बनाउन सबै लागि पर्नुपर्ने बताए। उनले भने, ‘अहिलेको संविधान अनुसार कुनै पार्टीले पनि बहुमत ल्याउन सकेको छैन्। त्यसकारण कुनै पार्टीसँग मिलेर जानुपर्छ। बाध्यता र अवस्था पनि त्यस्तै छ। गाह्रो छ भनेर काम गर्न छोड्ने भन्ने हुँदैन। हामी सबै मिलेर पार्टी कै बहुमत ल्याउने काममा लाग्नुपर्छ। हाम्रो पार्टीलाई जनताको साथ पनि। त्यसकारण पनि बहुमत ल्याउने तर्फ लाग्नुपर्छ।’
बिएल संवाददाता - काठमाडौं
सोमबार बसेको मन्त्रिपरिषद्को बैठकले एआईजी थापालाई नेपाल प्रहरीको ३१औं महानिरीक्षकमा नियुक्त गरेको हो। थापासँगै प्रहरी महानिरीक्षकमा एआईजीहरू सुदीप गिरी र टेकबहादुर तामाङ प्रतिस्पर्धामा थिए। प्रहरी महानिरीक्षक नियुक्तिमा ज्येष्ठता, कार्यकुशलता, कार्यक्षमतालाई आधार मान्ने नियमावलीमा व्यवस्था छ। जसअनुसार एआईजी दीपक थापा महानिरीक्षकमा नियुक्त भएका हुन्। उनले आफ्नो कार्यकालमा हालसम्म काठमाडौं उपत्यका, जिल्ला, विभागको सफलतापूर्वक जिम्मेवारी पुरा गरेका छन्। हालसम्म कुनै विवादमा नआएका उनको बढुवाले देशको सुरक्षा र प्रहरी संगठनको विकासका लागि सरकारलाई नै सहयोग हुने विश्वास गरिएको छ।
बिएल संवाददाता - काठमाडौं
बैठकले राप्रपाका वरिष्ठ नेता नवराज सुवेदीको संयोजकतामा ११ सदस्य राष्ट्रिय आन्दोलन निर्देशन समिति गठन गरेको छ। तर, समितिमा प्रमुख राजावादी दल राप्रपाकै अध्यक्ष राजेन्द्र लिङदेनको घोर अपमान गरिएको छ। ११ सदस्यीय समितिमा लिङदेनलाई वर्णानुक्रममा १० नम्बरमा राखिएको छ। यतिसम्म कि कमल थापा, दूर्गा प्रसाईं, रविन्द्र मिश्रलाई समेत उनीभन्दा माथि राखिएको छ। राप्रपाले समितिप्रति असन्तुष्टि जनाएको छ। यता राप्रपाका शीर्ष नेताहरू उपेक्षामा पर्दा राजतन्त्र पुनःस्थापना आन्दोलनमा एमालेका नियुक्ति खाएका नेताहरू समेत समावेश भएका छन्।
बिएल संवाददाता - काठमाडौं
उनले सरकार भ्रष्टाचारलाई जोगाउने पक्षमा र आफूहरु नियन्त्रण गर्ने पक्षमा रहेकाले बिमति भएको भन्दै सरकरसँग कुनै मिलन विन्दु नरहेको बताए। उनले भने, ‘आजभोलि चर्चा आइरहेको छ। कांग्रेस, एमाले र माओवादी मिलेर सरकार बनाउने भए रे भनेर चर्चा सामाजिक सञ्जालमा भइरहेको छ। हामी अहिले सरकारमा जाने कुनै नीति लिएको छैनौं, लिँदैनौं पनि। देशमा संकट आए विचार गर्छौं। तर यही सरकारमा गएर सामेल हुने कुनै नीति छैन। त्यस्तो औपचारिक रुपमा कुरा पनि कसैसँग भएको छैन। भ्रष्टाचारलाई जोगाउने सरकार र हामीबीच सुरुमा नै ठूलो बिमती भएको छ। भ्रष्टाचार नियन्त्रण गर्ने कि बचाउने हामी रोक्नपर्छ भन्ने पक्षपातीमा भयौं। अहिलेको सरकार बचाउने पक्षमा भएकाले मिलन विन्दु हामीले देखेका छैनौ।’
बिएल संवाददाता - काठमाडौं
नेकपा एकीकृत समाजवादीले राजावादीहरू विरुद्ध चैत १५ गते आयोजना गर्ने जनविरोधमा एक लाखभन्दा बढी जनता उतार्ने दाबी गरेको छ। सोमबार स्थायी कमिटीको बैठकपछि सञ्चारकर्मीहरूसँग कुरा गर्दै उपाध्यक्ष जगन्नाथ खतिवडाले जनता राजावादीहरूसँग नभइ गणतन्त्रकै पक्षमा छन् भन्ने प्रमाणित गर्न विरोधसभा गर्न लागेको जानकारी दिए। उनले भने, ‘चैत १५ गते नेकपा एसले एउटा जनप्रदर्शनको आयोजना गर्दैछ। त्यसलाई भव्य र सफल बनाउन समाजवादीको तर्फबाट अधिकतम प्रयास गर्ने विषयमा छलफल भयो। राजावादीहरूले गरेको गतिविधिहरूलाई खण्डन गर्ने र जनता गणतन्त्रवादीसँगै छन्, नाटकीय ढंगले प्रचार गर्दैमा जनता राजावादी हुँदैनन भन्ने देखाउनको लागि र जनताको आकांक्षा सडकमा प्रर्दशन गर्ने हाम्रो पहिलो प्रयास हो। लाखभन्दा माथि नै जानुपर्छ भन्ने तरिकाले कोशिस गर्नेछौं।’
बिएल संवाददाता - काठमाडौं
नेकपा माओवादी केन्द्रकी सांसद उर्मिला अर्यालले जनतामा वर्तमान व्यवस्थाप्रति वितृष्णा बढ्दै गएको बताएकी छन्। राष्ट्रिय सभाको सोमबारको बैठकमा बोल्दै उनले राजनीतिक दलहरू कार्यकर्ता पाल्ने प्रवृत्तिबाट माथि उठ्न नसकेका कारण जनतामा एउटै राजा पालेको भए हुने रहेछ भन्ने भ्रम पर्ने डर देखिएको बताइन्। उनले भनिन्, ‘हामी बिग्रियौं, यस्तै हो भने जनता एउटै राजा पालेको भए हुन्थ्यो भन्ने भ्रममा पर्ने डर छ। म सबैलाई सचेत हुन अुनरोध गर्न चाहन्छु।’
बिएल संवाददाता - काठमाडौं
धनुषाको सबैला नगरपालिकास्थित भठिहनमा चोकको नामलाई लिएर दुई पक्षबीच सोमबार पनि झडप भएको छ। दुई पक्षबीचको झडप बढ्न थालेपछि नियन्त्रणमा लिनका लागि प्रहरीले चलाएको गोली लागेर एकजना युवक घाइते भएका छन्। घाइते हुनेमा सहिदनगर-१ का २० वर्षीय सन्तोष यादव रहेको प्रहरीले जनाएको छ। घाइते यादवको प्रादेशिक अस्पताल जनकपुरधाममा उपचार भइरहेको जिल्ला प्रहरी कार्यालय धनुषाले जनाएको छ। भठिहनस्थित चोकमा एक पक्षले यादव चोक लेखिएको बोर्ड लगाएपछि अर्को पक्षले सो बोर्ड उखेलेपछि तनाव उत्पन्न भएको थियो।
बिएल संवाददाता - धनुषा
उत्तरी मेसेडोनियाको एक नाइट क्लबमा आगलागी हुँदा ५९ जनाको मृत्यु भएको छ। त्यस्तै एकसय बढीलाई अस्पताल भर्ना गरिएको छ। स्थानीय समय अनुसार आइतबार बिहान कोकानीस्थित क्लबको स्टेजमा प्रस्तुति दिइरहेका ब्यान्डले प्रयोग गरेको आतिशबाजीका कारण आगो फैलिएको थियो। क्लबको भवनमा एउटा मात्र प्रवेश र बाहिर निस्कने बिन्दु रहेकाले कोलाहल मच्चिएको थियो। अधिकारीहरूले क्लब अवैध रूपमा सञ्चालन भइरहेको र क्षमताभन्दा धेरै मानिसहरू रहेको बुझिएको बताएका छन्।
बिएल संवाददाता - काठमाडौं
उनले भने, ‘कसलाई कति सुविधा दिने? दिने कि नदिने? दिने हो भने कसरी दिने? कति दिने? किन दिने? यो सबैको अन्तिम निर्णयकर्ता यो सम्मानित सदन हो। यही त्यसैले यही सदनमा छलफल गरेर टुंगोमा पुग्नुपर्छ भन्ने सरकारको धारणा हो। जे दिनुपर्छ, जे गर्छ, सदनले गरोस्। सुविधा घटाउने कि बढाउने सदनले निर्णय गर्नेछ।’ उनले पूर्वविशिष्ट पदाधिकारीको सुविधासम्बन्धी विधेयक तर्जुमाको विषयलाई लिएर सञ्चारमाध्यममा प्रकाशित र संसदमा अभिव्यक्त विषयलाई सरकार र गृहमन्त्रालयले गम्भीरतापूर्वक लिएको बताए।
बिएल संवाददाता - काठमाडौं
नेपाली कांग्रेसका प्रमुख सचेतक श्याम घिमिरेले भूमिसम्बन्धी अध्यादेश अब अध्यादेशको रुपमा आउने सम्भावना समाप्त भएको बताएका छन्। सोमबार संसद भवन परिसरमा सञ्चारकर्मीहरूसँग कुराकानी गर्दै उनले त्यसलाई अब परिमार्जित गरेर सबैलाई स्वीकार हुनेगरी कानुनकै रुपमा अगाडि बढाउने बताए। उनले भने, ‘भूमिसम्बन्धी अध्यादेश अब अध्यादेशको रुपमा आउने अब समाप्त भइसकेको अवस्था छ। अब त्यसलाई कसरी हुन्छ परिमार्जित गरेर सबैलाई स्वीकार हुनेगरी कानुनकै रुपमा अगाडि बढाउने हो।’
बिएल संवाददाता - काठमाडौं
सोमबार राजावादी मोर्चाको भेलामा ८६ वर्षीय सुवेदी राप्रपा परित्याग गरेको घोषणा गरेका हुन्। उनले अब राजावादी मोर्चाको सर्वस्वीकार्य नेतृत्व बन्नका लागि आफूले अब पार्टीगत राजनीति त्यागेको घोषणा गरेको बताए। पूर्वराजा ज्ञानेन्द्र शाहका विश्वासपात्र सुवेदी राप्रपाका वरिष्ठ नेता एवं राष्ट्रिय पञ्चायतका पूर्वअध्यक्षसमेत हुन्। पूर्वराजको आह्वानमा राजसंस्था पुनर्स्थापनाको आन्दोलनका लागि नवराज सुवेदीको नेतृत्वमा मोर्चाबन्दीको तयारी भएको थियो। सुवेदीको नेतृत्वमा राजावादी आन्दोलनका लागि मोर्चा गठन भएपछि दुई राप्रपाका अध्यक्षहरूले असन्तुष्टि जनाएका थिए। राप्रपा अध्यक्ष राजेन्द्र लिङदेन र राप्रपा नेपालका अध्यक्ष कमल थापाले असन्तुष्टि जनाएका थिए।
बिएल संवाददाता - काठमाडौं
ललितपुर महानगरपालिका नगर प्रहरी प्रमुख सिताराम हाछेथुले सरकारले परिमार्जन गर्न खोजेको सवारी ऐनमा कतिपय कुरा व्यवहारिक भएपनि कतिपय कुराहरू भने अव्यवहारिक रहेको बताएका छन्। उनले नियमहरू जनताले मान्ने हुनुपर्नेमा कतिपय नियमहरू सरकारले जबरजस्ती बनाउने गरेको भन्दै असन्तुष्टि जनाए। बीएल मिडियासँगको कुराकानीमा उनले भने, ‘नियम भनेको जनताले मान्ने किसिमको हुनुपर्छ। अनिमात्र सबै जनताले मान्छन्। नियम बनाउने मान्छे कुर्सीमा बसेको हुन्छ। अव्यवहारिक नियम बनाइदिन्छन्। यता नियम पालना गराउने ट्राफिक प्रहरी र जनताबीच द्वन्द्व हुन्छ।’ उनले बालबालिकाहरूलाई मोटरसाइकलको अगाडि राखेर चलाउन नपाइने भन्ने नियम अव्यवहारिक रहेको दाबी गरेका छन्। उनले अगाडि राख्न नमिल्ने बालबालिकाको उमेर तोकिदिए व्यवहारिक हुने सुझावसमेत दिएका छन्।
बिएल संवाददाता - काठमाडौं
नेकपा माओवादी केन्द्रकी सांसद दुर्गा राईले नेपाली कांग्रेसका प्रमुख सचेतक श्याम घिमिरेले यौैन व्यवसायलाई कानुनी मान्यता दिनुपर्ने भनेर संसदमा राखेको अभिव्यक्तिमाथि आपत्ति जनाएकी छन्। सोमबार बसेको प्रतिनिधिसभाको बैठकमा शून्य समयमा बोल्दै उनले यस्तो अभिव्यक्तिले समाजलाई अराजकतातिर पुर्याउने भन्दै उक्त भनाइलाई रेकर्डबाट हटाउनको लागि रुलिङको माग गरिन्। उनले भनिन्, ‘हिजो सत्ता पक्षका माननीयज्यूले यौैन व्यवसायलाई कानुन बनाइ मान्यता दिएर पर्यटकलाई आकर्षणगरी अर्थोपार्जन गरौं भन्ने कुरा दोस्रोपटक यस संसदमा उठाउनु आपत्तिजनक कुरा हो। यस्तो चिन्तनको घोर भत्सर्ना गर्छु। यस्तो विचारले अनुशासित र मर्यादित रुपमा रहेको समाजलाई अराजकतातिर पुर्याउँछ। त्यसैले यो भनाइलाई रेकर्डबाट हटाउनको लागि रुलिङको माग गर्छु।’
बिएल संवाददाता - काठमाडौं
१ .
२ .
३ .
४ .
५ .
