केही दिनदेखिको अविरल बर्षापछि आएको बाढीपहिरो र डुवानमा परेर देशभर ४८ जनाको मृत्यु भएको छ।

गृहमन्त्रालयबाट हालसम्मको प्राप्त विवरणअनुसार अन्य ३१ जना बेपत्ता भएका छन्। विपद्मा परेर २३ जना घाइते भएका मन्त्रालयले जानकारी दिएको छ।

मन्त्रालयका अनुसार बाढी तथा पहिरोबाट कालिकोटमा १, बैतडीमा ४, डडेलधुरामा १, डोटीमा ९, हुम्लामा ६, प्युठानमा १, धनकुटामा ६, सुनसरीमा २, पाँचथरमा ६, इलाममा ११ र उदयपुरमा १ जनाको मृत्यु भएको छ।

यस्तै डोटीमा १ जना, बझाङमा २३ जना, प्युठानमा २ जना र इलाममा ५ जना बेपत्ता भएको गृहमन्त्रालयले जानकारी दिएको छ।