सर्वोच्च अदालतले एनसेल र नेपालका सरकारी निकायसँग लिखित जवाफ मागेकाे छ।
एनसेलको शेयर खरिद बिक्री प्रकरणमा मंगलबार न्यायाधीश प्रकाशमान सिंह राउतको इजलासले एनसेल आजियटा लिमिटेड, नेपालको दूरसञ्चार प्राधिकरणलगायतका निकायसँग लिखित जवाफ माग गरेको हो।
दूरसञ्चार सेवा प्रदायक कम्पनी एनसेलको ८० प्रतिशत शेयर आजियटाले गैरआवासीय नेपाली सतीशलाल आचार्यको कम्पनी स्पेक्ट्रलाइट युकेलाई बिक्री गरेर नेपालबाट बाहिरिएपछि सांसद अमरेशकुमार सिंहले उक्त कारोबारलाई मान्यता नदिन माग गर्दै सर्वोच्चमा रिट दायर गरेका थिए।
