नेपालमा आज थप ४६३ जनामा कोरोना संक्रमण पुष्टि भएको छ । यीमध्ये १०५ जना महिला हुन् भने बाँकी ३५८ जना पुरुष हुन्। योसँगै नेपालमा कोरोना संक्रमितको संख्या १२ हजार ७७२ पुगेको छ ।
यस्तै, पछिल्लो २४ घण्टामा १७९ जना कोरोना संक्रमण मुक्त भई घर फर्किएका छन्। जसमा महिला १३ र १६६ पुरुष रहेका छन्। योसँगै कोरोना संक्रमण मुक्त भई घर फर्किनेको संख्या ३ हजार १३ पुगेको छ । यसैगरी नेपालको ७७ जिल्लामै कोरोना संक्रमित भेटिएका छन्।
अस्पतालबाट डिस्चार्ज हुने कोरोना संक्रमितको संख्या ३ हजार नाघ्यो
नेपालमा अस्पतालबाट डिस्चार्ज हुने कोरोनाभाइरस (कोभिड- १९) संक्रमितको संख्या ३ हजार नाघेको छ ।
आइतबारसम्ममा ३ हजार १३ जना निको भएर घर फर्किएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।
पछिल्लो २४ घण्टामा १ सय ७९ जना कोरोना संक्रमणमुक्त भएर डिस्चार्ज भएको प्रवक्ता डा. गौतमले बताए ।
नेपालमा कोरोना संक्रमितको कुल संख्या संख्या १२ हजार ७७२ पुगेको छ ।
हालसम्म देशभरका २२ प्रयोगशालाबाट पीसीआर परीक्षण भइरहेको छ ।
देशभर हालसम्म एक लाख हजार जनाको पीसीआर परीक्षण गरिएको छ भने दुई लाख हजार जनाको आरडीटी परीक्षण गरिएको छ । पछिल्लो २४ घण्टामा ४ हजार ९६२ जनाको पीसीआर परीक्षण गरिएको छ ।
देशभरका विभिन्न क्वारेन्टिनमा ६१ हजार ७३१ मानिसहरु रहेका छन् भने आइसोलसनमा ९ हजार ७३१ कोरोना संक्रमितहरु रहेका छन् ।
हालसम्म कोरोना संक्रमणबाट मृत्यु हुनेको संख्या २८ पुगेको छ ।
.jpg)
