राज पौड्याल
खै! के थियो?
म उमेरै नपुगी जवान भएको हुँ,
दिराम र रियलमा आफूलाई बेच्न।
हुन सक्छ,
जवान बन्नु मेरो रहर थियो
दिराम र रियलको महल मेरो सपना
तर खै! के थियो ?
जुङ्गाका रेखी नबस्दै
घर छोड्नुको रहस्य!
कोपिलाजस्तै दुलहीको सामिप्यबाट
दुलही फर्काउन नपाउँदै
बिछोडीनुको कारण!
होला,
मैले दुलहीको सिन्दुर बन्दकी राखेर
उसकाे पेटमा लुकामारी खेल्दै गरेकी
सन्तानको भविष्य किन्नु थियो होला!
होला!
मेरो परिवारको खुसी किनेर
त्यसकाे मूल्य
किस्ता–किस्ता गरेर चुकाउन
परदेशी बन्नु थियो होला!
तर खै! के थियो?
म चार वर्षमा घर फर्कदा
मेरी तीन कट्दै गरेकी छोरी
मेरो काखमा न उफ्रिनुको रहस्य!
खै! के थियो?
उसकाे तोते बोलीले
मलाई 'बाबा' भनेर
सम्बोधन नगर्नुको कारण!
छानबिन समितिमा खगेन्द्रको इन्कारी पत्र, अनुसन्धान लम्बिने संकेत
धरतीको स्वर्ग राराः प्राकृतिक सौन्दर्य र पर्यटनको अनुपम संगम
वर्षमा १ दिन खुल्ने ‘तलेजु मन्दिर’को रोचक तथ्य
‘नेपाल हितमा छैन राष्ट्रिय परिचयपत्र’
मलेसियामा राम्रो तलब र अवसर, नेपालमा विवादले रोजगारी गुम्ने जोखिम
निकास के त? व्यवस्था परिवर्तन कि पूर्ण पुनर्संरचना?
नागरिकता कानुन संशोधनको आवश्यकता
१ .
२ .
३ .
४ .
५ .
प्रतिक्रिया