महानगरीय अपराध महाशाखा टेकुमा कार्यरत एक प्रहरीमा कोरोना भाइरसको संक्रमण पुष्टि भएको छ।
कार्यलय सहयोगीका रुपमा खटिएका प्रहरीमा कोरोना देखिएको महाशाखाका एसएसपी दिपक थापाले जानकारी दिएका हुन्।
‘हिजो रिपोर्ट आएको थियो। एक जनाको रिपोर्ट पोजेटिभ देखियो,’एसएसपी थापाले भने।
लकडाउन अघि उनी खोटाङ गएर काठमाडौं फर्किएका थिए। पाँच दिनअघि उनी काठमाडौं फर्किएर महाशाखाको क्वारेन्टाइनमा राखिएको एसएसपी थापाले जानकारी दिए।
उनीसँगै अर्का एक प्रहरी पनि क्वारेन्टाइनमा बस्दै आएका थिए। त्यस्तै उनीसँग सम्पर्कमा आएका अन्य दुई जनाको स्वाब पनि परीक्षणको लागि पठाइएको छ।
