Media for all across the globe

पोखरा विमानस्थलको अनियमितता ‘अध्ययन प्रतिवेदन’ अख्तियारमा पठाउने लेखा समितिको निर्णय

सार्वजनिक लेखा समितिले पोखरा अन्तर्राष्ट्रिय विमानस्थल अध्ययन उपसमितिले मूल समितिमा पेश गरेको प्रतिवेदनलाई ग्रहण गरी अख्तियार दुरुपयोग अनुसन्धान आयोगमा पठाउने निर्णय गरेको छ। बुधबार बसेको प्रतिनिधिसभा अन्तर्गतको सार्वजनिक लेखा समितिको बैठकले सो निर्णय गरेको सभापति ऋषिकेश पोखरेलले जानकारी दिए। उनले भने, ‘पोखरा अन्तर्राष्ट्रिय विमानस्थल अध्ययन समितिले मूल समितिमा पेश गरेको प्रतिवेदनलाई लेखा समितिले थप ग्रहण गर्ने निर्णयसहित अख्तियार दुरुपयोग अनुसन्धान आयोगलाई पठाउने निर्णय भएको छ।’

बिएल संवाददाता - काठमाडौं

रुकुमपूर्वमा बाबुराम भट्टराईको सिंगो पार्टी (माओवादी केन्द्र)मा समाहित

नेकपा (माओवादी केन्द्र)का अध्यक्ष पुष्पकमल दाहाल प्रचण्डले जनयुद्धका उपलब्धि, राजनीतिक रूपान्तरणको वर्तमान अवस्था र जनताको सहभागितामूलक लोकतन्त्रको आवश्यकता रहेको बताएका छन्। जनतासँग माओवादी- मध्यपहाडी लोकमार्ग जनजागरण अभियानअन्तर्गत रुकुमपूर्वको सिस्ने गाउँपालिका, रुकुमकोटमा आयोजित जनसंवाद कार्यक्रममा सम्बोधन गर्दै उनले राजनीतिक रूपान्तरणको वर्तमान अवस्था र जनताको सहभागितामूलक लोकतन्त्रको आवश्यकता रहेको भन्दै अभियानको उद्देश्य जनताको विश्वास र सहभागिता पुनः मजबुत बनाउने रहेको बताए। सोही अवसरमा जनमुक्ति सेनाका पूर्व कमान्डर तथा नेसपाका पूर्व केन्द्रीय सदस्य जितमान पुन ‘मार्सल’, बाबुराम भट्टराई नेतृत्वको पार्टीको सिंगो कमिटी, साथै नेकपा एमाले निकट दलित मोर्चाका जिल्ला अध्यक्ष उपेन्द्रलाल कामीलगायतका महत्वपूर्ण नेताहरू माओवादी केन्द्रमा समाहित भएका छन्।

बिएल संवाददाता - रुकुम पूर्व

पूर्वगभर्नर भन्छन्ः बैंकको उद्देश्य र पैसाको अवधारणामा हामी आफैं ‘कन्फ्युज’ हुन्छौं

अर्थ समितिको बैठकमा बैंक तथा वित्तीय संस्थासम्बन्धी पहिलो (संशोधन विधेयक) २०८० का सम्बन्धमा छलफल भएको छ। बुधबार बसेको अर्थ समितिको बैठकले बैंक तथा वित्तीय संस्थासम्बन्धी पहिलो (संशोधन विधेयक),२०८० का विषयमा विज्ञ र सरोकारवालासँग छलफल गरेको हो। उक्त छलफलमा बोल्दै राष्ट्रिय प्रजातन्त्र पार्टीका प्रमुख सचेतक ज्ञानेन्द्रबहादुर शाहीले सरकारले नेपाल राष्ट्र बैंकको गभर्नर नियुक्ति कानुन विपरीत गरेको बताएका छन्। उनले नवनियुक्त गभर्नर विश्व पौडेल गभर्नर बन्न अयोग्य रहेको बताए। उनले भने, ‘यही समितिको कुरा हो गभर्नर। यही समितिमा म माग गर्दछु संसदीय समिति बनाईयोस् छानविन गराइयोस्। सरकारले नेपाल राष्ट्र बैंकको गभर्नर कानुन विपरीत नियुक्त गरेको छ। कानुनी रुपमा गभर्नर नियुक्त छ की छैन भनेर छानविन समिति बनाइनुपर्छ।’

बिएल संवाददाता - काठमाडौं

लेखा समितिमा सत्ता र प्रतिपक्षी सांसदहरूबीच झन्डै ‘हात हालाहाल’ (भिडियोसहित)

सार्वजनिक लेखा समितिमा सांसदहरूबीच चर्काचर्की भएको छ। बुधबार सिंहदरबारमा बसेको सार्वजनिक लेखा समितिको बैठकमा भएको पोखरा अन्तर्राष्ट्रिय विमानस्थल भ्रष्टाचार प्रकरणसम्बन्धी स्थलगत अध्ययन उपसमितिको प्रतिवेदनमाथिको छलफलमा सत्तापक्ष र विपक्ष दलका सांसदहरूबीच चर्काचर्की भएको हो। प्रमुख प्रतिपक्ष दल नेकपा माओवादी केन्द्रका सांसद अमनलाल मोदीले सत्तापक्ष तथा नेकपा एमालेका प्रधानमन्त्री केपी शर्मा ओली र एमाले सांसदहरूले फरक प्रस्ताव राखेको भन्दै उनले अन्तर्राष्ट्रिय परम्परा अनुसार जुन पार्टीको प्रधानमन्त्री हुन्छ, सोही दलको सभापति लेखा समितिमा हुन नहुने विषय उठाएका थिए।

बिएल संवाददाता - काठमाडौं

गृह मन्त्रालयका सहसचिव भट्टराई पक्राउ

गृह मन्त्रालयका सहसचिव तीर्थराज भट्टराई पक्राउ परेका छन्। भट्टराईलाई केहीबेरअघि अख्तियारको टोलीले पक्राउ गरेको हो। उनी हिजो बेलुकीमात्रै गृह मन्त्रालय तानिएका थिए। यसअघि उनी त्रिभुवन अन्तर्राष्ट्रिय विमास्थल कार्यालयका प्रमुख अध्यागमन अधिकृतका रुपमा कार्यरत थिए। त्यहाँ रहदा उनको नेतृत्वमा भिजिट भिसामा गडबडी गरेको उजुरी परेको थियो। सोही प्रकरणमा उनलाई अनुसन्धानका लागि नियन्त्रणमा लिएको अख्तियार स्रोतले बतायो। अख्तियारले केहीबेर अघिमात्रै विमानस्थल अध्यागमनमा छापा मारेको थियो।

बिएल संवाददाता - काठमाडौं

नेपालबाट बीजेपी नेताको सन्देशः भारतले युद्ध चाहेको छैन्,कसैले नउक्सावस्

भारतीय जनता पार्टीका नेता डा. विजय जोलीले भारतले युद्ध नचाहेको भन्दै युद्धको लागि कसैले पनि नउक्साउन आग्रह गरेका छन्। बुधबार काठमाडौंमा पत्रकार सम्मेलन गर्दै उनले कश्मीरको पहलगाम घटनामा नेपालले गरेको सहयोगको लागि धन्यवाद दिदै उनले भारतले युद्ध नचाएको बताएका हुन्। ‘अहिलेको समयमा भारतका प्रधानमन्त्री नरेन्द्र मोदीजीले भनेका छन्। आदेश छ हामी पूरै दक्षिण एसियामा आतङ्कवादको परिक्षण गर्न दिँदैनौ। भारत युद्ध चाहदैन। भारतलाई नउक्साउनुहोला तर ती कश्मीरको पहलगाममा सहिद भएका २६ जना मानिसहरु जसमा एक जना नेपालीमूलको भाई पनि थियो,’ उनले भने।

बिएल संवाददाता - काठमाडौं

माओवादी सांसदले समिति सभापतिलाई माइकको झटारो हानेपछि…

प्रतिनिधिसभाको महिला तथा सामाजिक मामिला समितिमा माइक हानाहान भएको छ। बुधबार बिहान साढे ७ बजेका लागि बोलाइएको बैठक सकिनै लाग्दा समिति सदस्य माओवादी सांसद कल्पना मियाँ कुसारी टुप्लुक्क पुगेपछि स्थिति नोकझोकमा परिणत भएको थियो। स्रोतका अनुसार बैठकमा पुग्नेबित्तिकै कुसारीले बोल्न खोजेपछि सभापति किरणकुमार साहले रोकेका थिए। उनले समय लिएर मात्र बोल्न भनेपछि सांसद कुसारी आक्रोशित बनेकी थिइन्। कुसारीलाई सभापति साहले ‘ढिला आउने अनि कसको अनुमतिले बोल्न खोजेको?’ भन्दै थर्काएका थिए। समितिबाट यस वर्ष भएका अनुगमनहरू प्रभावकारी नदेखिएको, आफू निकट सांसदहरूलाई मात्रै प्राथमिकता दिएको भन्दै चर्काचर्की सुरु भएको थियो।

बिएल संवाददाता - काठमाडौं

हितेन्द्रले सार्वजनिक गरेको ‘श्वेतपत्र’ यथार्थपरक रहेको उर्जामन्त्रीको दाबी

उर्जामन्त्री दिपक खड्काले विद्युत प्राधिकरणको स्वेतपत्र यथार्थपरक रहेको बताएका छन्। बुधबार बसेको पूर्वाधार विकास समितिको बैठकमा बोल्दै उनले विद्युत प्राधिकरणको नाफा र घाटाको सन्दर्भमा अहिलेको स्वेतपत्र यथार्थपरक रहेको बताएका हुन्। उनले भने, ‘विद्युत प्राधिकरणको नाफा र घाटा के हो भन्ने सन्दर्भमा अहिलेको स्वेतपत्र यथार्थपरक छ अझै यसमाथि आयोजनाहरूले तिर्नुपर्ने यकिन आइसकेको नभएर चाडै अडिट हुदैछ। यो कुरा भन्नुपर्छ सरकारी निकायहरूले आफ्नो कार्य पारदर्शी हुनुपर्छ।’ उनले महालेखा प्रतिवेदन र समितिको प्रतिवेदनमा तालमेल नमिलेको भन्दै अन्तराष्ट्रिय रुपमा मान्य हुने गरी अडिट गरी निर्णय गरेको बताए।

बिएल संवाददाता - काठमाडौं

हेर्दाहेर्दैमा राखिएको रविको मुद्दा आज नहेरिने, यस्तो छ कारण

राष्ट्रिय स्वतन्त्र पार्टी (रास्वपा) सभापति रवि लामिछानेको बन्दीप्रत्यक्षीकरणको निवेदनमाथिको निरन्तर हुने भनिएको सुनुवाइ बुधबार नहुने भएको छ। लामिछाने पत्नी निकिता पौडेलले लामिछानेलाई गैरकानुनी रूपमा थुनामा राखिएको दाबी गर्दै सर्वोच्चमा निवेदन दिएकी थिइन्। उक्त निवेदनमाथि मंगलबार न्यायाधीश डा. नहकुल सुवेदी र बालकृष्ण ढकालको इजलासले सुनुवाइ गर्दै हेर्दाहेर्दैमा राखिएको थियो। तर, बिहीबार सर्वोच्च अदालत प्रशासनले नै निवेदनको सुनुवाइ स्थगित भएको पेशी सूची प्रकाशित गरेको छ। रविसहितको निवेदनमाथि सुनुवाइ गर्ने इजलासका न्यायाधीशहरू छुट्टाछुट्टै इजलासमा परेपछि सुनुवाइ बुधबारको सुनुवाइ स्थगित भएको हो।

बिएल संवाददाता - काठमाडौं

नवनियुक्त गभर्नर पौडेलले सम्हाले कार्यभार, पाँच सय र हजारका नोट छाप्ने पहिलो निर्णय

नेपाल राष्ट्र बैंकका नवनियुक्त गभर्नर डा. विश्वनाथ पौडेलले कार्यभार सम्हालेका छन्। बुधबार प्रधानन्यायाधीश प्रकाशमान सिंह राउतबाट शपथग्रहण गरेका गभर्नर पौडेलले त्यस लगत्तै केन्द्रीय कार्यालय पुगेर कार्यभार सम्हालेका हुन्। पौडेल मंगलबार राष्ट्रबैंकको १८औं गभर्नर नियुक्त भएका थिए। पदभार ग्रहणपछि गभर्नर पौडेलले पहिलो निर्णयका रुपमा पाँच सय र १ हजारका नयाँ नोट छपाई गर्ने निर्णयमा हस्ताक्षर गरेका छन्। पौडेलले मौद्रिक नीति र वित्त नीति अलग विषय रहेको बताउँदै वित्त नीति कार्यान्वयनमा मौद्रिक नीतिले अवरोध गरेको भए परिमार्जन गर्दै जाने बताए।

बिएल संवाददाता - काठमाडौं

अर्थमन्त्री पौडेल भेट्न मन्त्रालय पुगे गभर्नर पौडेल

नेपाल राष्ट्र बैंकका नवनियुक्त गभर्नर डा. विश्व पौडेलले उपप्रधान एवं अर्थमन्त्री विष्णु पौडेलसँग भेट गरेका छन्। बुधबार बिहान अर्थ मन्त्रालय पुगेर गभर्नर पौडेलले अर्थमन्त्री पौडेलसँग भेटवार्ता गरेका हुन्। सो अवसरमा अर्थमन्त्री पौडेलले बधाइ दिँदै सफल कार्यकालको शुभकामना दिए। अर्थमन्त्री पौडेलले वित्त नीति र मौद्रिक नीतिबीच समन्वय गरी अघि बढ्ने उल्लेख गर्दै नवनियुक्त गभर्नर पौडेलले अर्थतन्त्र र मौद्रिक क्षेत्रमा देखा परेका समस्या समाधानमा महत्वपूर्ण पहल गर्ने विश्वास व्यक्त गरे। नवनियुक्त गभर्नर पौडेलले अर्थ मन्त्रालयले देशको अर्थतन्त्रको नेतृत्व गर्ने र नेपाल राष्ट्र बैंकले मौद्रिक नीतिमार्फत वित्त नीति कार्यान्वयनमा सहयोग पुर्‍याउने बताए। उनले वित्तीय क्षेत्रको प्रभावकारिताका लागि राष्ट्र बैंकको सुपरिवेक्षकीय क्षमतामा जोड दिने बताए।

बिएल संवाददाता - काठमाडौं

लिङदेनलाई सूर्यकाे प्रश्न, उषाकाे जवाफ

एमाले सांसद सूर्य थापाले राप्रपा अध्यक्ष राजेन्द्र लिङदेनको अभिव्यक्तिप्रति कटाक्ष गरेका छन्। राजावादी आन्दोलनको तयारीका लागि आयोजित बैठकमा सम्बोधन गर्दै लिङदेनले अबको आन्दोलन निर्णायक हुने र प्रधानमन्त्रीलाई नै भगाउने अभिव्यक्ति दिएका थिए। उनले प्रधानमन्त्रीलाई हेलिकप्टर चढेर भाग्न दिने टिप्पणीसमेत गरेका थिए। लिङदेनलाई थापाले समाजिक सञ्जालमार्फत जवाफ फर्काउँदै आफूहरूलाई पनि पूर्व आन्दोलनकारी बताउँदै ‘हेलिकप्टरवाला प्रस्तावलाई हामी पूर्व आन्दोलनकारीहरूले कसरी बुझौं?’ भन्दै प्रश्न गरेका छन्।

बिएल संवाददाता - काठमाडौं

कांग्रेस नेता विश्व पौडेल गभर्नर नियुक्त

सरकारले नेपाल राष्ट्र बैंकको गभर्नरमा डा. विश्वनाथ पौडेललाई नियुक्त गरेको छ। मंगलबार साझ बसेको मन्त्रिपरिषद बैठकले पौडेललाई राष्ट्र बैंकको १८ औं गभर्नरमा नियुक्त गरेको सरकारका प्रवक्ता एवम् सञ्चारमन्त्री पृथ्वी सुब्बा गुरुङले बताए।

बिएल संवाददाता - काठमाडौं

रविको मुद्दामा सकिएन बहस, हेर्दाहेर्दैमा राखियो

रास्वपा सभापति रवि लामिछानेको बन्दी प्रत्यक्षीकरण रिट निवेदन हेर्दाहेर्दैमा राखिएको छ। न्यायाधीशद्वय नहकुल सुवेदी र बालकृष्ण ढकालको एकल इजलासमा मुद्दाको सुनवाइ नसकिएपछि हेर्दाहेर्दैमा राखिएको हो। यसअघि ६ पटक उक्त रिट निवेदन हेर्न नमिल्नेमा परेको थियो। मंगलबार लामिछानेको तर्फबाट अधिवक्ताहरू सुदीज्ञ पन्त, सुशील पन्त, सुरेन्द्र थापा, दिपेन्द्र झालगायतले बहस गरेका छन्। इजलासले बहस आजै सक्ने गरी छोट्याउन आग्रह गरेपनि लामिछानेका तर्फबाट कानुन व्यवसायीहरूले मात्र बहस गर्न भ्याए। अब बुधबार पूर्वडीआईजी छविलाल जोशी र सहकारी पीडितका तर्फबाट कानुन व्यवसायी र सरकारी वकिलले बहस गर्नेछन्। उक्त बहस सकिएपछि जवाफी बहस हुनेछ। त्यसपछि मात्र आदेश आउनेछ।

बिएल संवाददाता - काठमाडौं

विश्व पौडेलविरुद्धको रिट दरपीठ आदेश सदर, गभर्नर बन्न खुल्यो बाटो

सर्वोच्च अदालतले गभर्नर बन्ने चर्चामा रहेका डा. विश्व पौडेलविरुद्धको रिट दरपीठ आदेशलाई सदर गरेको छ। दरपीठविरुद्धको रिटमा सुनुवाइ गर्दै न्यायाधीश सपना प्रधान मल्लको एकल इजलासले दरपीठ आदेश सदर गरेको हो। योसँगै पौडेललाई गभर्नर बन्ने बाटो तत्काललाई खुलेको छ। गभर्नर बन्ने चर्चामा रहेका विश्व पौडेल गभर्नर नियुक्तिका लागि अयोग्य रहेको भन्दै अधिवक्ता प्रतिभा उप्रेती र विशाल थापाले रिट दायर गरेका थिए। उक्त रिट सर्वोच्च प्रशासनले दर्ता नगरी दरपीठ गरेको थियो।

बिएल संवाददाता - काठमाडौं

रविको मुद्दामा धमाधम सुनुवाइ, होलान् थुनामुक्त?

रास्वपा सभापति रवि लामिछानेको बन्दी प्रत्यक्षीकरण रिटमाथि सर्वोच्च अदालतमा सुनुवाइ जारी छ। न्यायाधीशद्वय नहकुल सुवेदी र बालकृष्ण ढकालको एकल इजलासमा मुद्दाको सुनवाइ भइरहेको हो। यसअघि पटकपटक हेर्न नमिल्नेमा परेको रविको रिटमा आज भने सुनुवाइ भएको हो। रविका कानुन व्यवसायीहरूले आजै आदेश आउनसक्ने सम्भावना रहेको बताएका छन्। सर्वोच्चले जिल्लाको फैसला सदर गर्दै उच्चको फैसला बदर गर्नेमा रविका कानुन व्यवसायीहरू ढुक्क देखिएका छन्। यदि जिल्लाकै आदेश सदर भएका लामिछाने जिल्लाकै धरौटीका आधारमा थुनामुक्त हुनेछन्। तर, उच्चकै फैसला सदर भएमा उनको कारागार बसाइ लम्बिने छ।

बिएल संवाददाता - काठमाडौं

‘विकास प्रक्रिया’मा सांसदको भूमिका थप प्रभावकारी बनाउन सूर्य थापाको माग

नेकपा एमालेका सांसद सूर्य थापाले निर्वाचन क्षेत्रको विकास प्रक्रियामा निर्वाचित सांसदको भूमिकालाई प्रभावकारी बनाउनुपर्ने बताएका छन्। मंगलबार बसेको प्रतिनिधि सभामा बोल्दै उनले सांसदलाई विकास प्रक्रियाबाट अलग गर्नुपर्ने नकारात्मक भाष्य निर्माण गर्न लागिएको भन्दै आपत्ति प्रकट गरे। उनले भने, ‘निर्वाचन क्षेत्रको विकास प्रक्रियामा निर्वाचित सांसदको भूमिकालाई प्रभावकारी, अटुट र अन्योयास्रित रुपमा जोड्नु अनिवार्य छ। समाजमा एकथरी मानिसहरू यसकार्यमा सांसदलाई अलग गर्नुपर्ने वाहियात छलफल, बुद्धिविलास, पूवाग्रही एवम् नकारात्मक भाष्य निर्माण गर्न लागेको भेटिन्छन्।’ उनले सांसदहरूलाई कोष नभइ योजना सिफारिस गर्ने अधिकार भएको बताए। उनले निर्वाचित जनप्रतिनिधिहरूको भूमिका कमजोर बनाउने कार्य कुनै बहानामा पनि उचित नहुने भन्दै यसमा आम नागरिकको असन्तुष्टि थप बढ्दै जाने बताए।

बिएल संवाददाता - काठमाडौं

गभर्नरमा विश्व पौडेल ‘फाइनल’, बाँकी औपचारिकता मात्रै!

नेपाल राष्ट्र बैंकको गभर्नरमा कांग्रेस निकट डा. विश्व पौडेल पक्का भएका छन्। मंगलबार प्रधानमन्त्री केपी शर्मा ओली र कांग्रेस सभापति शेरबहादुर देउवाबीच भएको छलफलमा पौडेललाई नै गभर्नर बनाउने सहमति जुटेको विश्वस्त स्रोतले बतायो। सत्तारुढ दल कांग्रेस-एमालेबीच नै कुरा नमिल्ला लामो समयदेखि गभर्नर सिफारिसको विषय पेचिलो बनिरहेको थियो। ओली-देउवाबीचको निर्णायक छलफलपछि गभर्नरमा पौडेलको नाम फाइनल भएको हो। प्रधानमन्त्री ओलीले गभर्नर नियुक्तिका लागि मंगलबार साँझ ५ बजेका लागि मन्त्रिपरिषद बैठक आह्वान गरेका छन्।

बिएल संवाददाता - काठमाडौं

देउवासँग ‘निर्णायक’ छलफलपछि ओलीले बोलाए मन्त्रिपरिषद बैठक, आजै गभर्नर नियुक्ति!

प्रधानमन्त्री केपी शर्मा ओलीले मन्त्रिपरिषद बैठक आह्वान गरेका छन्। मंगलबार साँझ ५ बजे प्रधानमन्त्रीको सरकारी निवासमा बस्ने गरी ओलीले बैठक आह्वान गरेका हुन्। आजै दिउँसो मात्र कांग्रेस सभापति शेरबहादुर देउवा ओलीलाई भेट्न बालुवाटार पुगेका थिए। उनीहरूबीच गभर्नर नियुक्तिबारे निर्णायक छलफल भएको थियो। छलफल लगत्तै प्रधानमन्त्री ओलीले गभर्नर नियुक्तिका लागि मन्त्रिपरिषद बैठक आह्वान गरेका उनको सचिवालयले बताएको छ। यता अर्थमन्त्री गभर्नर सिफारिस समितिका संयोजक रहेका अर्थमन्त्री विष्णु पौडेलले समितिको बैठक आह्वान गरिसकेका छन्। समितिको बैठक आजै अपराह्न बस्दै छ। समितिले राष्ट्र बैंकको सम्भावित गभर्नरमा तीनजनाको नाम सिफारिस गर्ने छ। समितिले सिफारिस गर्ने बित्तिकै मन्त्रिपरिषद बैठक बस्नेछ। समितिले सिफारिस गरेका तीनजनामध्येबाट मन्त्रिपरिषदले एकजनालाई गभर्नरमा नियुक्त गर्नेछ।

बिएल संवाददाता - काठमाडौं

ओली-देउवा भेट लगत्तै अर्थमन्त्रीले बोलाए ‘गभर्नर सिफारिस समिति’को बैठक

गभर्नर सिफारिस समितिका संयोजक रहेका अर्थमन्त्री विष्णु पौडेलले समितिको बैठक आह्वान गरेका छन्। पौडेलले मंगलबार अपराह्न बस्ने गरी समितिको बैठक बोलाएको उनको सचिवालयले जानकारी दिएको छ। समितिले राष्ट्र बैंकको सम्भावित गभर्नरमा तीनजनाको नाम सिफारिस गर्ने छ। समितिले सिफारिस गरेकामध्येबाट एकजना गभर्नर नियुक्त हुनेछन्। आजै मात्र प्रधानमन्त्री केपी शर्मा ओली र कांग्रेस सभापति शेरबहादुर देउवाबीच बालुवाटारमा भेटवार्ता भएको थियो। उक्त भेटपछि अर्थमन्त्रीले सिफारिस समितिको बैठक आह्वान गरेका हुन्।

बिएल संवाददाता - काठमाडौं