बिएल संवाददाता
काठमाडौं
नेपाली राष्ट्रिय युवा टोली र चिनियाँ क्लब किङ्हाई युवा फुटबल क्लबबीच मैत्रीपूण खेल हुने भएको छ।
चिनियाँ नयाँ वर्षको उपलक्ष्यमा मैत्रीपूर्ण खेल हुने अखिल नेपाल फुटबल संघ (एन्फा)ले साेमबार जनाएको हाे।
नेपाली टोलीले चीनको किङ्हाई युथ फुटबल टिमसँग फेब्रुअरी १० मा काठमाडौँको दशरथ रंगशालमा मैत्रीपूर्ण खेल खेल्ने छ। खेल दिउँसो ३ बजे सुरु हुनेछ।
नेपालस्थित चिनियाँ दूतावास, राष्ट्रिय खेलकुद परिषद्रा (राखेप) र नेपाल पर्यटन बोर्डको संयुक्त आयोजनामा मैत्रीपूर्ण खेल हुन लागेको हो।
खेलका लागि साधारणतर्फ ३०० र भीआईपीतर्फ ५०० रुपैयाँ टिकट मूल्य तोकेको छ।
