काठमाडौँमा जारी साफ यू- २० च्याम्पियनसिपको सेमिफाइनलको समीकरण पुरा भएको छ। शुक्रबार सम्पन्न समुह चरणका खेल सकिएपछि सेमिफाइनलको समीकरण पुरा भएको हो।

समूह चरणको अन्तिम खेलमा आज समूह बी मा भारतले माल्दिभ्सलाई १-० गोल अन्तरले पराजित गरेको छ।

यो जितपछि भारत समूह बिजेता हुँदै सेमिफाइनलमा पुगेको छ। भने, भुटान उपविजेता हुँदै सेमिफाइनलमा पुगेको छ। त्यस्तै श्रीलंका र माल्दिभ्स भने प्रतियोगिताबाट बाहिरिएका छन्।

अब सेमिफाइनलमा नेपालले भुटानको सामना गर्ने छ। र, यो खेल आइतबार हुने छ।

त्यस्तै अर्को सेमिफाइनलमा भारत र बंगलादेश खेल्ने छन्। दोस्रो सेमिफाइनल सोमबार हुने छ।

प्रतियोगिताको फाइनल खेल बुधबार हुने तालिका रहेको छ।