बिएल संवाददाता
काठमाडाैं
आइसीसी महिला टी– २० विश्वकप क्रिकेट, २०२४ युएईमा हुने भएको छ।
यसअघि बंगलादेशमा हुने भनिएको विश्वकप त्यहाँ भएको आन्दोलन र नयाँ सरकार गठनपछि जारी प्रतिबन्ध र सुरक्षाका कारण युएईमा सारिएको अन्तर्राष्ट्रिय क्रिकेट काउन्सिल (आइसीसी)ले जनाएको छ।
प्रतियोगिता आगामी असोज १७देखि कात्तिक १४ गतेसम्म युएईको दुबई र शारजाहमा हुने जनाइएको छ।
आइसीसीले प्रतियोगिताको आयोजनास्थलमात्र बंगलादेशबाट युएईमा सरेको भन्दै आयोजक बंगलादेश क्रिकेट बोर्ड नै रहने जानकारी दिएको छ।
यस विश्वकपमा आयोजक बंगलादेशसहित १० देशले भाग लिँदै छन्। जसमा बंगलादेशसहित अस्ट्रेलिया, इंग्ल्याण्ड, भारत, दक्षिण अफ्रिका, न्युजील्याण्ड, वेस्ट इन्डिज, पाकिस्तान, स्कटल्याण्ड र श्रीलङ्का रहेका छन्।
