बिएल संवाददाता
काठमाडाैं
आइसिसी टी–२० विश्वकपमा अस्ट्रेलियामाथि अफगानस्तानले रोमाञ्चक जित हासिल गरेको छ। आइतबार बिहान अफगानिस्तानले अस्ट्रेलियामाथि २१को जित हासिल गरेको हो।
अफगानस्तानले लिएको १४९ रनको लक्ष्य पछ्याएको अस्ट्रेलिया १९.२ ओभरमा १२७ रन बनाएर अलआउट भयो।
अस्ट्रेलियाका ग्लेन म्याक्सवेलले अर्धशतक प्रहार गरेपनि त्यो जितका लागि पर्याप्त हुन सकेन।
अफगानस्तनको जितमा गुलाबदीन नाईबले ४ र नवीन उल–हकले ३ विकेट लिए।
त्यसअघि पहिला ब्याटिङ गरेका अफगानस्तानले निर्धारित २० ओभरमा ८ विकेट गुमाएर १४८ रन बनाएको थियो।
