त्रिकोणात्मक अन्तर्राष्ट्रिय टी–२० शृङ्खलाअन्तर्गतकाे फाइनल खेल नेपाल र नेदरल्याण्डसबीच हुने भएकाे छ।

आइतबारकाे नामिबिया र नेदरल्यान्ड्सबीचकाे खेल वर्षाका कारण राेकियाे। दुवैले एक-एक अंक बाँडेपछि नेपाल र नेदरल्याण्डसले फाइनल खेल्ने भएकाे हाे।

नेदरल्याण्डसको ४ खेलमा ५ अंक भएको छ भने नेपालको ४ खेलमा ४ अंक रहेको छ। त्यस्तै नामिबियाको ४ खेलमा ३ अंक मात्र रहेको छ।

अब नेपाल र नेदरल्यान्डसबीचको फाइनल खेल कीर्तिपुरस्थित त्रिवि क्रिकेट मैदानमा मंगलबार हुनेछ।