मलेसियामा जारी एसीसी महिला प्रिमियर कप क्रिकेट प्रतियाेगिताकाे दाेस्राे खेलमा नेपालले भुटानलाई पराजित गरेकाे छ। आइतबार भएकाे खेलमा नेपालले भुटानमाथि ८ विकेटकाे जित निकालेकाे हाे।

नेपालकाे याे लगातार दाेस्राे जित हाे। यसअघि पनि नेपालले हङ्कङलाई ८ विकेटको फराकिलो अन्तरले हराएर पहिलो जीत निकालेको थियो।

भुटानविरुद्ध नेपालकाे जितमा सीता राना मगरले ३२ तथा रुविना क्षेत्रीले १७ रन प्रहार गरे।

पहिले ब्याटिङ गरेकाे भुटानले निर्धारित २० ओभरमा ४ विकेट गुमाएर ६५ रन बनाएकाे थियाे। जुन नेपालले ११. ५ ओभरमा २ विकेटकाे क्षतिमा पूरा गर्याे।