लुम्बिनी प्रदेशका मुख्यमन्त्री डिल्लीबहादुर चौधरीले दिएको राजिनामा स्वीकृत भएको छ।

मुख्यमन्त्री चौधरीले बिहीबार दिएको राजीनामा प्रदेश प्रमुख अमिक शेरचनले शुक्रबार स्वीकृत गरेका हुन्।

‘नेपालको संविधानको धारा १६९ को उपधारा १ को खण्ड क बमोजिम तपाईंले मिति २०८० चैत २२ मा दिनुभएको राजीनामा स्वीकृत गरेको छु,’ प्रदेश प्रमुख शेरचनले पठाएको पत्रमा भनिएको छ, ‘यहाँले मुख्यमन्त्रीको रूपमा हालसम्म पुर्याउनुभएको योगदानका लागि धन्यबाद ज्ञापन गर्दछु।’