नेकपा माओवादी केन्द्रले इलाम-२ काे उपनिर्वाचनमा उम्मेदवारी नदिने भएको छ।

सत्ता गठबन्धनको सहमतिअनुसार नेकपा एमालेलाई समर्थन गर्ने र माओवादीले आफ्नो उम्मेदवारी नदिने भएकाे हाे।

माओवादीबाट उम्मेदवारका लागि सिफारिस भएका धिरेन्द्र शर्मालाई पछि हटाएर एमालेका उम्मेदवार सुहाङ नेम्बाङलाई सहयोग गर्ने निर्णय गरेको हो।

इलाम–२ मा वैशाख १५ गते हुने उपनिर्वाचनमा एमालेले सुहाङ, राष्ट्रिय स्वतन्त्र पार्टी (रास्वपा)ले मिलन लिम्बु, राष्ट्रिय प्रजातन्त्र पार्टीले लक्ष्मी गुरुङ, नेकपा एकीकृत समाजवादीले जीतबहादुर राई, जनमत पार्टीले प्रेमदीप थाम्सुहाङ र पहिचानवादीले डगेन्द्रसिंह थेगिमलाई उम्मेवार बनाएकाे छ।