बिएल संवाददाता
काठमाडाैं
नेकपा (माओवादी केन्द्र) रोल्पाका प्रभावशाली नेता दीपेन्द्रकुमार पुन ‘सिजल’ले नेकपा (एमाले)का महासचिव शंकर पोखरेललाई उपनिर्वाचनबाट संघीय सांसद बनाउनुपर्ने बताएका छन्।
नेपाली काँग्रेस र माओवादीको सत्ता गठबन्धन टुटाएर ‘एमाले, माओवादी र रास्वपा’को नयाँ गठबन्धन बनाउन निर्णायक भूमिका खेलेका महासचिव पोखरेललाई सदनमा ल्याउनुपर्ने उनको भनाइ छ।
नवगठबन्धनलाई थप उत्कर्षमा पुर्याउनका लागि महासचिव पोखरेलललाई इलाम– २ बाट जिताएर प्रतिनिधिसभामा ल्याउन सकिने उनले बताएका छन्।
‘नेकपा एमालेका महासचिव शंकर पोखरेललाई यही निर्वाचनबाटै संघीय सांसदको रुपमा पनि अगाडि ल्याउनुपर्दछ,’ नेता सिजलले भने।
