बिएल संवाददाता
काठमाडौं
सूचना तथा सञ्चार प्रविधिमन्त्री तथा सरकारकी प्रवक्ता रेखा शर्माले सत्ता समीकरण परिवर्तनका विषयमा चलेका हल्ला सत्य नभएकाे बताएकी छन्।
साेमबारकाे मन्त्रिपरिषद् बैठकपछि सिंहदबारमा पत्रकारहरुसँग कुराकानी गर्दै मन्त्री शर्माले सरकार नढल्ने जानकारी दिइन्।
‘सत्ता समीकरण फेरबदलका विषयमा आएका सबै समाचार सत्य हाेइनन्, सरकार ढल्दैन’, उनले भनिन्। उनले एमालेसँग अरु विषयमा विमति भए पनि सत्ता समीकरण फेर्ने विषयमा कुनै समस्या नरहेका बताइन्।
