उपप्रधान तथा गृहमन्त्री रवि लामिछाने सहकारी ठगी प्रकरणमा जोडिएपछि छानबिन गर्न गठित कार्यदलको बैठक फेरि अनिर्णित भएको छ। 

शुक्रबार साँझ ७ बजे सकिएको बैठक निष्कर्षविहीन भएको हो। छानबिन समितिको कार्यादेश कस्तो बनाउने भन्नेमा सत्तारुढ दल र काँग्रेसको आ–आफ्नै अडानले बैठक निष्कर्षविहीन भएको हो। 

यसअघि पनि कार्यादेश बनाउन कार्यदलको बैठक पटक–पटक बसेको थियो। 

अब अर्को कार्यदलको बैठक शनिबार दिउँसो ३ बजे बस्ने एमालेका प्रमुख सचेतक महेश बर्तौलाले जानकारी दिए।