बिएल संवाददाता
काठमाडौं
प्रमुख प्रतिपक्षी दल नेपाली कांग्रेसले उपप्रधान तथा गृहमन्त्री रवि लामिछानेलाई संसदमा बोल्न दिने भएकाे छ।
बिहीबार प्रधानमन्त्री पुष्पकमल दाहाल प्रचण्डसँगको छलफलपछि कांग्रेसले गृहमन्त्री लामिछानेलाई संसदमा बाेल्न दिने निर्णय गरेकाे हाे।
कांग्रेसले सहकारीको रकम अपचलनमा गृहमन्त्री लामिछानेको संलग्नता देखिएको आरोप लगाउँदै निष्पक्ष छानबिन गर्न संसदीय समिति गठनको माग गरेर संसद बैठक अवरोध गर्दै आएको छ।
प्रधानमन्त्री प्रचण्डले आज अपराह्न ४ बजे बस्ने बैठकमा गृहमन्त्रीलाई बोल्ने वातावरण निर्माण गर्न कांग्रेससँग छलफल गरेका हुन्।
