निरन्तर संसद् अवरुद्ध गर्दै आइरहेको नेपाली काँग्रेसले आउँदो आर्थिक वर्षको सरकारको नीति तथा कार्यक्रम भने प्रस्तुत गर्न दिने भएको छ।

मंगलबार दिउँसो ३ बजे संघीय संसद्को संयुक्त बैठकमा राष्ट्रपति रामचन्द्र पौडेलले सरकारको नीति तथा कार्यक्रम प्रस्तुत गर्नेछन्।

लगातार संसद् अवरुद्ध गरिरहेको काँग्रेसले मंगलबार बिहान सिंहदरबारस्थित दलको कार्यालयमा बसेको संसदीय दलको बैठकले नीति तथा कार्यक्रम प्रस्तुत गर्न दिने निर्णय गरेको हो।

सहकारी ठगी प्रकरणमा मुछिएपछि उपप्रधान एवं गृहमन्त्री रवि लामिछामाथि छानबिन गर्न काँग्रेसले संसदीय समिति गठन गर्नुपर्ने माग गरिरहेको छ। तर सरकारले संसदीय समिति बनाउन मानिरहेको छैन।