बिएल संवाददाता
काठमाडौं
जनता समाजवादी पार्टी (जसपा) नेपालका अध्यक्ष उपेन्द्र यादवले निर्वाचन आयोगविरुद्ध सर्वोच्च अदालतमा रिट दायर गरेका छन्।
आफ्नो पार्टी विभाजन गरी गएका नेताहरूले गठन गरेको नयाँ पार्टीलाई मान्यता दिने आयोगको निर्णय बदर गर्न माग गर्दै यादवले सोमबार सर्वोच्चमा रिट दायर गरेका हुन्।
उनले अशोक राई नेतृत्वको नयाँ पार्टी अवैधानिक भन्दै सो पार्टीलाई मान्यता दिने आयोगको निर्णय बदर गर्न अन्तरिम आदेश माग गरेका छन्।
सर्वोच्चले पेशी तारेखका लागि जेठ २ गते अदालतमा हाजिर हुन भनेको छ। उनी अमेरिका रहँदा जसपाका वरिष्ठ नेता अशोक राईले ७ जना सांसदलाई लिएर जनता समाजवादी पार्टी गठन गरेका थिए।
