नेकपा एमालेका अध्यक्ष केपी शर्मा ओलीले उपप्रधानतथा गृहमन्त्री रवि लामिछानेको विरुद्धमा कहिँकतै उजुरी नभएकाे दाबी गरेका छन्।

शुक्रबार एमाले संसदीय दलको बैठकमा बोल्दै अध्यक्ष ओलीले कुनै दोष नभएका व्यक्तिलाई कांग्रेसले लगातार संसदीय छानबिन समितिको माग गरेर छुद्र राजनीति गरेको आरोप लगाए।

उनले भने, ‘प्रतिशोधी र स्वार्थ केन्द्रित राजनीति मात्र होइन। नेपाली कांग्रेसको यस्तो तरिका फेयर छैन। हामीले राजीनामा मागेका छैनौँ भन्नुभयो उहाँहरूले। राजीनामा अहिले मागेको पो छैन। केही पनि नहुँदा समिति बनाऔँ भन्नेहरूले समिति बनिसकेपछि आफ्नै बारेमा छानबिन गर्न आफैँ उपस्थित भएको संसद्ले समिति बनाइसकेपछि मन्त्रीको पदमा बस्न मिल्छ? भनेर तत्काल राजीनामाको खेल सुरु गर्नुहुन्छ।’