कवि निर्भीकजंग रायमाझीको कविता संग्रह ‘त्यसरी त कहिल्यै सोचिएन’ सार्वजनिक भएको छ।

शनिबार सर्वनाम थिएटरमा आयोजित एक कार्यक्रमका विच नेपाल प्रज्ञाप्रतिष्ठानका कुलपति भूपाल राई, कवि श्यामल अधिकारी र कवि मोमिलाले उक्त संग्रह विमोचन गरेका हुन।

प्रेम, राजनीति, सामाजिक विभेद आदि विषयमा लेखिएका ५० थान कविता ‘त्यसरी त कहिल्यै सोचिएन’ संग्रहमा संकलित छन । करिब एक दशकदेखि कविता लेखनमा सक्रिय निर्भीकजंगका कविता, निबन्ध तथा रिपोर्टिङहरू राष्ट्रिय तथा अन्तर्राष्ट्रिय सञ्चार माध्यममा प्रकाशित छन्।

कलम प्रकाशनले प्रकाशन गरेको कविताकृतिको मूल्य ३ सय ७५ रुपैयाँ राखिएको छ।