बिएल संवाददाता
डाेल्पा
हिमाली जिल्ला डोल्पाको जगदुल्ला गाउँपालिका–२ काइगाउँमा रहेको त्रिपुरा माध्यमिक बिद्यालयमा लागेको आगोले एउटा भवन ध्वस्त भएको छ।
प्रशासनीक भवन भएकाले त्यहाँ भएको साढे पाँच लाख बढी नगर रुपैयाँसहित काजपत्र सबै जलेको छ। विद्युत सर्ट भएर आगो लागेपछि दुई वटा सिलिण्ड ग्याँसबाहेक केही निकाल्न नसकिएको वडा नम्बर २ का वडाध्यक्ष मिमबहादुर थकालीले जानकारी दिए।
आगो नियन्त्रणमा लिन डोजरले तीन कोठे दुई तले भवन भत्काइएको छ। जहाँ भान्सा कोठा पनि थियो।
स्थानीय र प्रहरीले करिब एक घण्टापछि आगो नियन्त्रणमा लिएका छन्। मानवीय क्षती भने भएको छैन।
अहिले आगलागीको विवरण संकलन गर्ने काम भइरहेको छ।
तस्बिर
