नेपाली कांग्रेसले वर्तमान सरकारले ल्याएकाे बजेटमा सुधारका कार्यक्रम नदेखिएकाे टिप्पणी गरेका छन्।

अर्थमन्त्री वर्षमान पुनले मंगलबार सार्वजनिक गरेको बजेटबारे कांग्रेस नेता एवं पूर्वअर्थमन्त्री डा. प्रकाशशरण महतले यसअघि बोले जस्तो बजेटमा नआएको टिप्पणी गरेका हुन्।

उनले सरकारले चाहे जस्तो ठुलो बजेट बनाउन नसकेको बताउँदै वास्तविकताभन्दा माथि रहेको बताए।

उनले प्रधानमन्त्रीले गर्ने भनेका कुराहरु बजेटमा उल्लेख नगरेको बताउदै अहिले जारी रहेका योजना बारे समेत मौन रहेको टिप्पणी गरेका छन्। उनले वितरणमुखी कार्यक्रम बजेटमा उल्लेख नगरिएको बताउँदै पूरा बजेट किताब हेरेपछि भन्न सकिने बताए।

डा. महतले प्याज, आलु र स्याउमा भ्याट हटाउने घोषणा गरेर सिधै झुट बोलेको बताउँदै आफूहरुले भन्सारमा भ्याट लाग्दै आएकोमा अब हटेपछि यी वस्तु कसरी सस्तो हुन्छन् भन्दै प्रश्न गरेका छन्।