सरकारले आगामी आर्थिक वर्षमा महानगरपालिका र उपमहानगरपालिकामा कृषि बजार सञ्चालन गरिने बताएको छ।

मंगलबार राष्ट्रपति रामचन्द्र पौडेलले आर्थिक वर्ष २०८१/८२ को नीति तथा कार्यक्रम प्रस्तुत गर्दै महानगर र उपमहानगरपालिकामा कृषि बजार सञ्चालन गरिने बताएका हुन्।

‘चिस्यान कक्षसहितको बहुतले कृषि तथा थोक बजार सञ्चालन गरिनेछ’, राष्ट्रपति पौडेलले भने।

युवा कृषक तथा उद्यमीहरूको साझेदारीमा वडास्तरमा नमुना  कृषि फर्म स्थापना गरी सिकाइ केन्द्रका रुपमा पनि विकास गरिने सरकारको नीति तथा कार्यक्रममा छ।